Berg kyrkje på Senja

Frå Wikipedia – det frie oppslagsverket
Hopp til navigering Hopp til søk

Koordinatar: 69°26′45.546″N 17°17′57.649″E

Berg kyrkje
kyrkje
Berg kirke Skaland (cropped).jpg
Foto: Helge Høifødt
Kyrkjesamfunn Den norske kyrkja
Bispedøme Nord-Hålogaland
Prosti Senja
Sokn Berg
Fellesråd Berg
Arkitekt Hans Magnus
Material Betong
Innvigd 1955
Takryttar På mønet, i nordvest
Kor Rett avslutta
Klokker 1, O. Olsen & Søn (1955)
Kyrkjegard Nei
Preikestol I tre, frå 1955, teikna av arkitekten
Døypefont I tre, frå 1955
Altartavle Torvald Moseid
Orgel Vestre orgelfabrikk (1955)
Sitjeplassar 225
Diverse Glasmåleri av Torvald Moseid (1955)
Wikimedia Commons: Berg kirke (Troms)

Berg kyrkje er ei langkyrkje frå 1955 i Berg kommune i Troms på yttersida av Senja. Byggverket er i betong. Arkitekt for kyrkja var Hans Magnus.

Altartavla er skore ut i tre og dekorert av Torvald Moseid. Det er eit triptykon med Kristus, Maria og apostelen Johannes i midtfeltet. Sidefelta har to apostler på kvar. Moseid har òg utført glasmåleria i kyrkja, som har motiv frå Jesu liv.

Både preikestolen og døypefonten er i tre og frå året då kyrkja vart ferdigstilt. Orgelet er eit pneumatisk orgel frå Vestre orgelfabrikk.

Kyrkja har ein takryttar med ei klokke frå O. Olsen & Søn. Klokka har inskripsjonen «Land, Land, Land, Hør Herrens Ord».

Kyrkjehistorie[endre | endre wikiteksten]

Slik såg Berg kyrkje ut frå 1884 til tyskarane reiv kyrkja i 1942.
Foto: Alfred Hagn / Riksantikvaren

Dagens kyrkje er om lag den tredje kyrkja på Berg. Mellomalderkyrkja stod på Kjerkeberget lengre nordvest. Denne kyrkja vart skildra som falleferdig på 1600- og 1700-talet, og det var ynskje om å flytte kyrkjestaden, men i 1780 eller 1781 vart ei ny kyrkje oppført på same staden. Dette var ei lafta langkyrkje. Kyrkja vart vøla og fekk vesttårn og sakristi i 1844, og i 1884 vart ho ombygd og utvida igjen.[1][2] Denne kyrkja vart riven av tyskarane i 1942.[3] Dagens kyrkje står på Skaland (gnr. 10), et stykke søraust for der dei tidlegare kyrkjene stod.

Noregs første kvinnelege prest, Ingrid Bjerkås, var sokneprest i Berg i 1961–65.[4]

Kjelder[endre | endre wikiteksten]

Bakgrunnsstoff[endre | endre wikiteksten]

Fotnotar[endre | endre wikiteksten]

  1. Brendalsmo & Eriksson, s. 31.
  2. Riksantikvaren: Berg gamle kirkested
  3. Berg kommune: Tilbakeblik på okkupasjonstida
  4. Hun var stolt, tøff og modig. 50-års jubileum for Norges første kvinnelige prest (nrk.no, 17. juni 2011)