Etnedal kommune

	Etnedal kommune
	kommune
	Kommunevåpen
	Kommunevåpen
Land	Noreg
Fylke	Innlandet
Adm.senter	Bruflat
Areal	459 km²
• land	445 km²
• vatn	14 km²
Folketal	1 254 (1. januar 2025)
Målform	nøytral
Ordførar	Linda Mæhlum Robøle (Sp)
Kommunenr.	3450
	; Etnedal kommune; 60°58′02″N 9°39′13″E / 60.967222222222°N 9.6536111111111°E
	Kart som viser Etnedal kommune. Kart som viser Etnedal kommune.
	Wikimedia Commons: Etnedal
	Nettstad: www.etnedal.kommune.no

Etnedal kommune er ein kommune i Innlandet fylke. Han grensar i nord og vest til Nord-Aurdal, i sør til Sør-Aurdal og i aust til Nordre Land. Kommunen ligg omkring det øvre utløpet av elva Etna og er tradisjonelt rekna til landskapet Valdres.

Etnedal kommune vart oppretta i 1894 då Bruflat sokn vart skilt ut frå Sør-Aurdal og Nord-Etnedal sokn vart skilt ut frå Nord-Aurdal. Kommunevåpenet vart godkjend i 1989 og har ei gull kvelvingsbru mot ein blå bakgrunn. Motivet symboliserer Lunde bru.^[1]

Geografi og næringsliv

Elva Etna renn frå innsjøen Steinsetfjorden vest i kommunen, forbi Bruflat, før ho passerer Lunde bru, Høljarast bru og helleristingane ved Møllerstufossen og renn ut i Randsfjorden. Elva er ikkje regulert.

I Etnedal kommune er det høgtliggande område mot Valdres i vest. I nord og aust er det eit meir ope fjellviddelandskap, der det høgste punktet er Spåtind (1414 moh.) på grensa til Nordre Land.^[2]

Busetnaden i Etnedal kommune er spreidd og følgjer dei fruktbare områda langsetter dalføra. Administrasjonssenteret ligg på Bruflat, som også er den einaste tettstaden i kommunen.^[3] Her er det laga ein park ved omsorgsbustadene, og ein ønskjer å etablere eit lite bygdetun her med gamle hus for aktivitetar.

Hovudnæringane i kommunen er husdyrhald og skogbruk, men det er også aktivitet innanfor industri og turisme.

Ting å sjå

Lunde bru, som er motivet på kommunevåpenet. Brua er den lengste steinkvelvsbrua i Nord-Europa, og blei bygd i 1829 som ein del av den gamle kongevegen til Bergen. I 1992 blei ein del av denne vegen pussa opp og er nå i bruk som naturstig og turveg.
Høljarast bru, krigsminnesmerke.

Kjelder

↑ «Kommunevåpenet – bru i blått». Etnedal kommune. Henta 10. januar 2014.
↑ «Etnedal». Store Norske Leksikon. Henta 10. januar 2014.
↑ Svendsen, Trond Olav; Amoriza, Silje Een de; Mæhlum, Lars; Allkunne (11. august 2025). «Etnedal». Store norske leksikon (på norsk).

Bakgrunnsstoff

Commons har multimedium som gjeld: Etnedal kommune

Offisiell nettstad

[1] «Kommunevåpenet – bru i blått». Etnedal kommune. Henta 10. januar 2014.

[2] «Etnedal». Store Norske Leksikon. Henta 10. januar 2014.

[3] Svendsen, Trond Olav; Amoriza, Silje Een de; Mæhlum, Lars; Allkunne (11. august 2025). «Etnedal». Store norske leksikon (på norsk).

[1]

[2]

[3]