Jan Wouters

Frå Wikipedia – det frie oppslagsverket
Hopp til navigering Hopp til søk
Jan Wouters
JanWouters.jpg
Fødd 17. juli 1960
Utrecht

Jan Jacobus Wouters (fødd 17. juli 1960) er ein nederlandsk tidlegare fotballspelar frå Utrecht som vart europameister i 1988, og vann Cupvinnarcupen 1987 med Ajax.

Klubbspel[endre | endre wikiteksten]

Wouters spelte frå 1980 i seks sesongar på FC Utrecht, og var i 1985 sterkt delaktig då laget vart nasjonal cupmeister etter finalesiger 1-0 over Helmond. Sommaren 1986 gjekk turen til Amsterdam og Ajax. Gjennom fem og ein halv sesong i Ajax var han med å vinne den nederlandske cupen og Cupvinnarcupen, begge våren 1987, og verte seriemeister i 1990. I november 1991 vart han overførd til Bayern München og spelte på det tyske storlaget i vel to år. Frå nyår 1994 gjorde han teneste i PSV Eindhoven, der han avslutta si tid som aktiv spelar med å verte cupvinnar våren 1996.

Landslagsspel[endre | endre wikiteksten]

Wouters, som oftast vart tildelt ei defensiv rolle på midtbana, spelte 70 landskampar på Nederland i tida 1982-94 og skåra fire mål. Under EM i fotball 1988 spelte han alle kampane då Nederland vann meisterskapen etter tomålssiger over Sovjetunionen i finalen. Sidan fekk han mykje speletid både under fotball-VM 1990 og EM 1992. Også under VM i fotball 1994 var han med i fyrsteellevaren, og spelte sin siste landskamp då Nederland rauk ut or meisterskapen med kvartfinaletap 2-3, etter ein særs minneverdig kamp mot dei komande verdsmeistrane frå Brasil.

Merittar[endre | endre wikiteksten]

  • Europameister: 1988 med Nederland
  • Vinnar av Cupvinnarcupen: 1987 med Ajax
  • Nederlandsk cupmeister: 1985 med FC Utrecht, 1987 med Ajax og 1996 med PSV Eindhoven
  • Nederlandsk seriemeister: 1990 med Ajax

I 1990 vart Wouters kåra til årets spelar i Nederland.

Kjelder[endre | endre wikiteksten]