Nationaltheatret

	Nationaltheatret
	;
Stad	Oslo kommune
Arkitekt	Henrik Bull
Opna	1899
; Nationaltheatret; 59°54′51″N 10°44′03″E / 59.91430278°N 10.73425°E

Nationaltheatret i Oslo er, ved sida av Den Nationale Scene og Det Norske Teatret, ei av dei tre norske hovudscenene for teaterkunst. Bygningen som har fasadar i hovudsak av gul maskintegl og granitt, vart teikna av arkitekt Henrik Bull, som vann ei arkitekttevling om oppdraget i 1891.^[1]

Den opphavlege teatersalen (Hovedscenen) er innreidd i nyrokokkostil. I tillegg er det seinare innreidd to andre scener i bygningen: Amfiscenen og Malersalen. Teatret opna den 1. september 1899. Bygningen vart freda etter lov om kulturminne i 1983.

Bull teikna òg sjokoladen Lohengrin som frå 1911 og nokre år framover berre var til sals i Nationaltheatret.

Den første sjefen på Nationaltheatret var Bjørn Bjørnson, son til Bjørnstjerne Bjørnson. Teatersjef frå 1. januar 2009 er Hanne Tømta.^[2]

Den administrative delen av Torshovteatret er òg tillagt Nationaltheatret.

Teatersjefar

1899–1907: Bjørn Bjørnson
1908–1911: Vilhelm Krag
1911–1923: Halfdan Christensen
1923–1927: Bjørn Bjørnson
1928–1930: Einar Skavlan
1930–1933: Halfdan Christensen
1934–1941: Axel Otto Normann
1945–1946: Axel Otto Normann
1946–1960: Knut Hergel
1960–1961: Carl Fredrik Engelstad
1962–1967: Erik Kristen-Johanssen
1967–1978: Arild Brinchmann
1978–1986: Toralv Maurstad
1986–1988: Kjetil Bang-Hansen
1988–1990: Ellen Horn
1988–1990: Ole-Jørgen Nilsen
1988–1990: Sverre Rødahl
1990–1992: Stein Winge
1992–2000: Ellen Horn
2000–2008: Eirik Stubø
2009– : Hanne Tømta

Galleri

Hovudinngangen til Nationaltheatret, øvst står det skreve Nationaltheater og under over bogevindauga til foajeen Ibsen, Holberg og Bjørnson. Til venstre foran inngangen står skulpturen av Henrik Ibsen, til høgre Bjørnstjerne Bjørnson, begge av Stephan Sinding.
Foto: Andy Mitchell
Teatret sett på skrå bakfrå frå området utafor
«Nationaltheatret i Kristiania - Salonen» frå boka Nationaltheatret i Kristiania av ukjent forfattar frå 1899. Tilhøyrer Nasjonalbiblioteket.