Aratinga
| Aratinga | |
 Solparakitt, Aratinga solstitialis Illustrasjon av Jacques Barraband, 1801 | |
| Systematikk | |
| Underrekkje: | Virveldyr Vertebrata |
| Klasse: | Fuglar Aves |
| Overorden: | Neoaves |
| Orden: | Papegøyefuglar Psittaciformes |
| Overfamilie: | Parakittar Psittacoidea |
| Familie: | Papegøyefamilien Psittacidae |
| Underfamilie: | Arinae |
| Slekt: | Aratinga Spix, 1824 |
Aratinga er ei biologisk slekt av parakittar og medlem av papegøyefamilien, Psittacidae. Leveområdet er aust for Andes i Sør-Amerika, alle dei seks artane finst innanfor grensene til Brasil.
Namnet 'Aratinga' kjem frå tupíspråk og tyder klårt farga fugl eller papegøye.[1]
Skildring[endre | endre wikiteksten]
Dette er parakittar i kraftfulle farger, mest i gult og grønt. Heile eller ytste delar av handsvingfjørene er djupblåe. Ein markert ring av berr hud rundt auga synast ofte kvit eller lys, hos svovelparakitt er farga på ringen skildra som blågrå,[2] og hos eldkroneparakitt er denne huda mørk. Dei har kroppslengd på om lag 30 centimeter inkludert relativt lange halar. Kjønna er like.
Aratinga-parakittar har utbreiing frå sørlegaste Colombia og søraustlege Venezuela til nordlege Argentina. Korkje Uruguay eller Chile har naturlege populasjonar av nokon av desse artane. Typar av habitat som dei nyttar varierer mellom artane, alle synast å trenge tilgang på opne område sjølv om dei beitar i skog. Nendayparakitt kan plukke føde på bakken. Alle har relativt lågtliggande habitat, men eldkroneparakitt kan leve i over 2000 moh. i søraustlege Brasil.
Aratinga er sosiale fuglar, flyg snøggt og direkte i store flokkar. Føda er frø, nøtter, frukter og nokre er observerte i å supplere med blomar.
Taksonomi og artsliste[endre | endre wikiteksten]
Det som ornitologien tidlegare lista opp som Aratinga var ei langt større gruppe på totalt ca. 24 papegøyeartar. I 2014 blei gruppa splitta i 4 slekter:[3] Aratinga, Eupsittula, Psittacara og Thectocercus.
Typearten i dagens Aratinga er rekna å vere solparakitt.[4]
Aratinga i rekkjefølgje etter EBird/Clements Checklist v2017[5] med norske namn etter Norske navn på verdens fugler:[6]
- Kvitøyreparakitt, Aratinga weddellii, Dusky-headed Parakeet, Deville, 1851, (LC)
- Nendayparakitt, Aratinga nenday, Nanday Parakeet, Vieillot, 1823, (LC)
- Solparakitt, Aratinga solstitialis, Sun Parakeet, Linné, 1758, (EN)
- Svovelparakitt, Aratinga maculata, Sulphur-breasted Parakeet, Müller, 1776, (LC)
- Jandayaparakitt, Aratinga jandaya, Jandaya Parakeet, Gmelin, 1788, (LC)
- Eldkroneparakitt, Aratinga auricapillus, Golden-capped Parakeet, Kuhl, 1820, (NT)
Kjelder[endre | endre wikiteksten]
- Collar, N. (2018). Parrots (Psittacidae). In: del Hoyo, J., Elliott, A., Sargatal, J., Christie, D.A. & de Juana, E. (eds.). Handbook of the Birds of the World Alive. Lynx Edicions, Barcelona. Hypertekst 'Species table', (Henta frå https://www.hbw.com/node/52256 1. april 2018)
- Referansar
- ↑ Jobling, James A (2010). The Helm Dictionary of Scientific Bird Names. London: Christopher Helm. s. 53. ISBN 978-1-4081-2501-4.
- ↑ David Brewer (2018) Birds New to Science: Fifty Years of Avian Discoveries s. 54, Christopher Helm, ISBN 978-1-4729-0628-1
- ↑ Clements, J. F., T. S. Schulenberg, M. J. Iliff, B.L. Sullivan, and C. L. Wood (august 2014), Updates & Corrections: August 2014, The Clements checklist of birds of the world: Version 6.9, pages 143-144, parakeets genus Aratinga, and Nanday Parakeet Nandayus nenday, Cornell Lab of Ornithology
- ↑ J. V. Remsen, Jr., Erin E. Schirtzinger, Anna Ferraroni, Luís Fábio Silveira, & Timothy F. Wright, DNA-sequence data require revision of the parrot genus Aratinga Zootaxa 3641 (3): 296–300 (2013)
- ↑ Schulenberg T.S.; M.J. Iliff; B.L. Sullivan; C.L. Wood; T. A. Fredericks; D. Roberson (august 2017), eBird/Clements Checklist v2017 (CSV), Cornell Lab of Ornithology, henta 1. oktober 2017
- ↑ Syvertsen, P. O., Ree, V., Hansen, O. B., Syvertsen, Ø., Bergan, M., Kvam, H., Viker, M. & Axelsen, T. 2008. Virksomheten til Norsk navnekomité for fugl (NNKF) 1990-2008. Norske navn på verdens fugler. med oppdateringar i 2017. Norsk Ornitologisk Forening sin nettstad (publisert 21.12.2017)
Bakgrunnsstoff[endre | endre wikiteksten]
- (no) Aratinga hos Artsdatabanken
- (en) Aratinga i Global Biodiversity Information Facility
- (en) Aratinga hos Fossilworks
- (en) Aratinga hos ITIS
- (en) Aratinga hos NCBI
- (en) Kategori:Aratinga – bilete, video eller lyd på Wikimedia Commons
- (en) Aratinga – galleri av bilete, video eller lyd på Wikimedia Commons
- Aratinga – detaljert informasjon på Wikispecies
