Arraba i Jenin

Arraba
عرّابة, Arrabah, Arrabeh
kommune
Frå nord
Namneopphav: Ei steppe
Land	Dei palestinske territoria
Guvernement	Jenin guvernement
Koordinatar	32°24′16″N 35°12′12″E
Areal	39,6 km²
Folketal	9 920  (2007)
Folketettleik	251 / km²
Borgarmeister	Adnan Musa
Arraba i Jenin 32.404444444444°N 35.203333333333°E / 32.404444444444; 35.203333333333
Wikimedia Commons: Arrabah

Arraba (arabisk عرّابة, ʻArrābah), òg skrive Arrabah, Arrabeh eller Arrabet Jenin, er ein palestinsk by nord på Vestbreidda 13 kilometer sørvest for Jenin. Det har ei høgd på 350 meter over havet og ligg nær Sahl Arrabah, ei slette om ligg mellom Karmelberget og Nablus. I følgje Palestinsk statistisk sentralbyrå (PCBS) hadde Arraba eit folketal på 9 920 i 2007.

Historie

Landområdet til Arraba omfattar Khirbet al-Hamam og Tel el-Muhafer, og ein trur begge desse kan ha vore den kanaanittiske byen Arubboth frå Kongebøkene (Rubutu i egyptiske dokument) og byen Narbata i romartida.

I 1596 stod landsbyen oppført i osmanske skattelister i Jabal Sami nahiya i Nablus liwa. Han hadde eit folketal på 81 hushaldningar og 31 ungkarar, alle muslimar. Skattar vart betalte for kveite, bygg, sommaravlingar, oliventre, tilfeldige inntekter, geiter og bikubar, og ei presse for oliven eller druer.

Den franske oppdagaren Victor Guérin vitja landsbyen i 1870, og skildra han: «Denne byen ligg på eit platå ... Han er delt inn i tre delar, ein omgjeve av ein mur med små tårn på kvar side. Denne muren er i dag i stor grad øydelagd, og har velta i ei kringsetjing nokre år sidan under eit opprør mot kaymakamen i Nablus». I 1882 skildra «Survey of Western Palestina» Arrabeh som «ein svært stor landsby på sørsida av ein rygg, med dei nordlege husa i høgt lende. Det ligg ein liten moské i sentrum, og ein eller to store bygningar, inkludert huset til sjeiken. Vassforsyninga kjem frå brunnar inne i landsbyen, og på vegen mot nord. Det ligg ein rygg med særs nakne klipper mellom landsbyen i sør og sletta (Merj 'Arrabeh) i nord. Spreidde oliven veks kring landsbyen, men området like nær er særs berr. Landsbybuarane er turbulente og rike, og eige særs fint land på dei nordlege slettene.»

I 1913-14 bygde osmanarane ein del av Jezreeldalen-banen (som i sjølv var ei grein av den no nedlagde Hejaz-banen) gjennom Arraba og enda opp i Nablus.

I folketeljinga i 1922, utført av Dei britiske mandatstyresmaktene, hadde Arrabeh eit folketal på 2 196, alle muslimar. I folketeljinga i 1931 hadde innbyggjartalet auka til 2 500, framleis alle muslimar, i 554 busette hus. I 1945 var folketalet 3 810 arabarar med 39 901 mål land, i følgje ei offisiell landmåling. 5 mål vart nytta for sitrus eller bananar, 3 568 mål vart nytta for plantasjar og irrigert land, 23 357 mål for korn, medan 315 mål var utbygd (urbant) land.

Kjelder

• Denne artikkelen bygger på «Arraba, Jenin» frå Wikipedia på engelsk, den 25. september 2015.
  • Wikipedia på engelsk oppgav desse kjeldene:
• Conder, Claude Reignier; Kitchener, H. H. (1882). The Survey of Western Palestine: Memoirs of the Topography, Orography, Hydrography, and Archeology 2. London: Committee of the Palestine Exploration Fund. 
• Finn, James (1878). Stirring Times 1. London, C.K. Paul & co. 
• Finn, James (1878). Stirring Times 2. London, C.K. Paul & co. 
• Guerin, Victor (1875). Description Géographique, Historique et Archéologique de la Palestine. «Seconde partie -Samarie" ("Tome II»). 
• Hadawi, Sami (1970), Village Statistics of 1945: A Classification of Land and Area ownership in Palestine, Palestinsk frigjeringsorganisasjon forskingssentral 
• Hütteroth, Wolf-Dieter; Abdulfattah, Kamal (1977). Historical Geography of Palestine, Transjordan and South Syria in the Late 16th Century. Erlanger Geographische Arbeiten, Sonderband 5. Erlangen, Tyskland: Vorstand der Fränkischen Geographischen Gesellschaft. 
• E. Mills, red. (1932). Census of Palestine 1931. Population of Villages, Towns and Administrative Areas (PDF). Jerusalem: Government of Palestine. 
• Palmer, E. H. (1881). The Survey of Western Palestine: Arabic and English Name Lists Collected During the Survey by Lieutenants Conder og Kitchener, R. E. Transliterated and Explained by E.H. Palmer. Committee of the Palestine Exploration Fund. 
• Poujoulat, Baptistin (1861). La vérité sur la Syrie et l'expédition française. Gaume frères et J . Duprey. 
• Rogers, Mary Eliza (1865). Domestic life in Palestina. Poe & Hichcock. 
• Schölch, Alexander (1993). Palestina in Transformation, 1856-1882: Studies in Social, Economic, and Political Development. Institute for Palestine Studies. ISBN 0-88728-234-2. 

Bakgrunnsstoff

• Offisiell nettstad (ar)
• Tronelandsbyar Arkivert 2015-09-26 ved Wayback Machine.