Betlehem

Omar-moskeen i Betlehem.

Plasseringa til Betlehem på Vestbreidda

Betlehem (hebraisk בֵּית לֶֽחֶם Bet léḥem, ‘brødhus’; arabisk بيت لحم Bayt Laḥm ‘kjøthus’) er ein by på Vestbreidda av Jordanelva, i Palestina. Byen ligg om lag ei mil sør for Jerusalem, 765 moh. Han er eit viktig senter for religion og turisme, og hyste tidlegare ei av dei største gruppene palestinske kristne i Midtausten. Dei siste åra har mange kristne flytta ut. Særleg har utflyttinga vore stor under intifadaene, då kristne har kome i ein slags mellomposisjon. Palestinsk milits har nokre gongar straffa kristne for ikkje å ville involvere seg sterkt nok i intifadaen. Dei mange sjekkpostane og militærinvasjonane har gjort at dei menneska som har mogleghet til å forlata Betlehem, pakkar kofferten og dreg. Og det er stort sett dei kristne som har utreisemoglegheter.

Ved Betlehem ligg etter jødisk tradisjon grava til Rakel, og byen er i kristen tradisjon fødeplassen til Jesus. Mellom anna julesongen «Eit barn er født i Betlehem» er laga til minne om denne hendinga.

Bakgrunnsstoff

Commons har multimedia som gjeld: Betlehem

• Betlehems kristne flytter ut på http://www.dagbladet.no
  Denne geografiartikkelen er ei spire. Du kan hjelpe Nynorsk Wikipedia gjennom å utvide han.