Beihai i Guangxi

北海
Sølvstranda i Beihai.
Styresmakter
Land Provins	Folkerepublikken Kina Guangxi
Geografi
Flatevidd  - By	3337 km²
Innbyggjarar  - By (2011)	145,000
Koordinatar	21°28′″N 109°06′″E
Tidssone	UTC + 8 (UTC+8)
Diverse anna
Postnummer	536000
Telefon-retningsnummer	779
Heimeside: http://beihai.gov.cn
Plassering

Beihai (eller Pakhoi) er ein kinesisk hamneby og byprefektur i den autonome regionen Guangxi i Sør-Kina ved Kinas kyst mot Tonkinbukta og grensar mot Vietnam. Folketalet vart i 2004 berekna til 1,45 millionar.

Byen er ein viktig fiske- og handelshamn ved Tonkinbukta. Den vart opna for investeringar og handel frå utlandet i 1984 og har ein stor verftsindustri, matvareindustri og alskens produksjon av utstyr for sjøfarten. Kinas viktigaste perlebankar er i dette området. Byen har fått rykte på seg for å vera tilhaldsstad for sjørøvarar.

Etter at den sino-britiske Chefookonvensjonen vart underteikna i 1876 etablerte åtte vestlege statar (Storbritannia, USA, Tyskland, Austerrike-Ungarn, Frankrike, Italia, Portugal og Belgia) seg i byen med konsulat, hospital, kyrkjer, skolar og tollhus. Det står (2008)) framleis femten av desse vestlege bygningane i Beihai.

Kinesiske styresmakter definerte byen som stad for internasjonal turisme i 1982.

Administrasjon

Byprefekturet Beihai består av tre distrikt og eitt fylke:

• Haicheng distrikt
• Yinhai distrikt
• Tieshangang distrikt
• Hepu fylke