Bulandet bedehuskapell

Bulandet bedehuskapell
Generelt
Kyrkjesamfunn:	Den norske kyrkja
Bispedøme:	Bjørgvin
Prosti:	Sunnfjord
Prestegjeld:	Askvoll
Fellesråd:	Askvoll
Sokn:	Askvoll
Innvigd:	27. juli 1909
Endringar:	1909: påbygd kor og tårn
Arkitektur
Type:	Langkyrkje
Materiale:	Tre
Kyrkjerommet
Plassar:	170

Bulandet bedehuskapell står på Kjempeneset i Bulandet i Askvoll kommune i Sogn og Fjordane, og er eit ombygd bedehus frå 1905.

Plasseringa til Bulandet bedehuskapell

Bedehuset vart vigsla som kapell 27. juli 1909, etter å ha vorte påbygd kor og klokketårn. På 1960-talet vart bygget restaurert og det vart bygd på sakresti. Fram til 1938 vart folk på Bulandet og Værlandet gravlagde ved Vilnes kyrkje på Atløy, men då vart det opna kyrkjegard på Værlandet. Bulandet fekk eigen gravplass i 1976. Han ligg på Kjempeneset, ikkje så langt unna bedehuskapellet.

Også tidlegare har det vore kapell i Bulandet, men dei er det berre nokre stadnamn att etter. Det første kapellet skal ha stått på Kyrkjeøyna ved Sandøya. Sidan skal det ha stått eit kapell på ein stad dei framleis kallar Kyrkjebakken på øya Gjelsa. Dette vart rive i 1813.

Bulandet bedehuskapell høyrer til Askvoll sokn i Sunnfjord prosti. Fram til 1. januar 2006 høyrde det til Vilnes sokn, men då vart sokna i prestegjeldet slegne saman tii eitt.

Sjå òg

• Kyrkjebygga til Den norske kyrkja i Sogn og Fjordane

Kjelder

• Red: Alf Henry Rasmussen – «Bulandet bedehuskapell» på s. 336 i Våre kirker : norsk kirkeleksikon. Vanebo Forlag, Kirkenær 1993. ISBN 82-7527-022-7

Bakgrunnsstoff

• Om Askvoll kyrkjelyd på nettstaden til Den norske kyrkja
• Oversikt over gravminne i Askvoll kommune på nettstaden disnorge.no
• Kart frå 1979 som viser soknegrenser, på nettstaden til Universitetet i Bergen/Digitalarkivet