Flokkdyr

Flyktande saueflokk sett frå ein varmluftsballong.

Ulvar som jaktar i flokk.

Flokkdyr er dyr som har til vane å leva samen i større grupper. Flokkdanning er ein overlevingsstrategi som blir nytta både av rov- og byttedyr, og det finst mange døme blant fuglar, fiskar og pattedyr. Grupper av dyr kan omtalast med ulike namn, avhengig av dyretype, som flokk, bøling, hop, klynge, rei, skare, stim eller sverm.

Å leva i flokk kan gje fordelar som at mange individ er på vakt mot farer, at ein samla kan verna seg mot andre dyr eller at ein kan samarbeida innan flokken. Flokkdyr har gjerne mange ulike måtar å kommunisera på, og ordnar seg ofte i hierarki. Svært mange husdyr er flokkdyr. Flokkinstinktet gjer dei lette å gjeta.

Døme på flokkdyr

Blant pattedyr:

• Elefantar
• Dei fleste hundedyr, som afrikansk villhund, dhol, hund og ulv
• Hest
• Kvalar og delfinar
• Kvegdyr som antilope, bison, geit, sau og storfe
• Primatar, som menneske og sjimpanse
• Reinsdyr

Blant fiskar (stimfisk):

• Lodde
• Sild

Blant fuglar:

• Due
• Høns

Bakgrunnsstoff

Commons har multimedia som gjeld: Flokkar

Kjelder

• elefanter, snl.no
• - Homofile bra for flokken, forskning.no
• Sjelebot i fjøset, forskning.no
• Torsken kan gjenoppstå, forskning.no
• Taper på å fly i flokk, forskning.no
• Sau – et flokkdyr uten leder, bjorneparken.no
• Ulv (Canis lupus), nhm.uio.no
• Visste du at reinen er et flokkdyr, naturoppsyn.no

Denne dyreartikkelen er ei spire. Du kan hjelpe Nynorsk Wikipedia gjennom å utvide han.