Hafrsfjord

Frå Wikipedia – det frie oppslagsverket
Gå til: navigering, søk
Satellittbilete av Stavanger-halvøya som viser Hafrsfjord, med hammer-form, til venstre. Fjorden til høgre er Gandsfjorden. (Kjelde: NASA WorldWind)

Hafrsfjord er ein fjord i Rogaland som ligg på grensa mellom kommunane Sola og Stavanger, sør for sjølve Stavanger. Fjorden er kjend for slaget i Hafrsfjord, som i følgje sogene samla Noreg til eitt rike.

Historie[endre | endre wikiteksten]

På Hestnes, i den smale delen av fjorden, ligg Fluberget, som er det største helleristingsfeltet i Sør-Rogaland.

Slaget i Hafrsfjord som stod i 872 eller litt seinare då Harald Hårfagre samla Noreg til eitt rike. Det er reist eit monument for slaget og samlinga av Noreg kalla «Sverd i fjell». Monumentet står heilt nord i den indre delen av fjorden.

Skildring[endre | endre wikiteksten]

Fjorden har innløp mellom Smiodden ved Kvernavik i nord og Fjørnesholmane i sør og strekker seg 9 km sørvestover. Den første halvdelen av fjorden er smal og ligg mellom Kvernavik og Madla i nord og aust og Tananger i sør og vest. Mellom Kvernavik og Tananger går Hafrsfjord bru over fjorden. Brua er om lag 500 meter lang, men går over Prestaskjær som ligg midt i fjorden.

Etter at fjorden har passert Madla-Sandnes i nord og Hagøya i sør opnar fjorden seg opp og strekker seg her 3,5 km sørover til Stavanger lufthamn, Sola og 2 km nordvestover til Madlamark og Madlamoen. Denne indre delen av Hafrsfjord er om lag 5 km frå nord til sør. På austsida av denne indre delen ligg Forus, Jåttå og Sørnes. I sørenden av fjorden ligg sjølve Sola og flyplassen.

Geografisk eining[endre | endre wikiteksten]

Hafrsfjord er òg eit delområde i Madla bydel i Stavanger kommune. Området har eit areal på 5,78 km² i 2005 hadde det 4003 innbyggjarar. Hafrsfjord er igjen inndelt i 8 grunnkretsar.

Ordsoge[endre | endre wikiteksten]

Hafrsfjord kan vere det stadnamnet i det norske språket som har flest konsonantar etter kvarandre: «frsfj».