Hengjebjørk

Frå Wikipedia – det frie oppslagsverket
Gå til: navigering, søk
Hengjebjørk

Illustration Betula pendula0.jpg

Vitskapleg namn
Betula pendula
Utbreiing
Status i Noreg: LC Livskraftig
Region: Eurasia

biletstorleik = 180px

Systematikk
Rike: Plantae
Rekke: Magnoliophyta
Familie: Bjørkefamilien
Slekt: Betula
B. pendula eller B. verrucosa

Hengjebjørk, hengebjørk, vortebjørk eller låglandsbjørk (Betula pendula) er eit tre i bjørkeslekta.

Allé av hengjebjørker i Donauried i Bayern.

Ein skil treet frå dunbjørka ved at hengjebjørka har dobbelt sagtakka blad, harpiksvorter på årsskota og oppsprukken skorpebark på gamle stammar. Skota kan ofte hengje, noko som har gjeve namn til treet.

Hengjebjørka har kromosomtalet 2n=28, medan dunbjørka har 2n=56; trea vil likevel kunne danne hybrid med 2n=42.

I Noreg veks hengebjørka på tørre marker i låglandet nord til Trøndelag, elles i Saltdal, Sørfold og Sør-Varanger.

Bruk[endre | endre wikiteksten]

Betula verrucosa var. dalecarlica

Av bjørkeartane som veks i Noreg, er det hengjebjørk som har produserer trevirke av best kvalitet. Spesielt ettertrakta er masurbjørka som har ved med flammespel.

Hengjebjørka er ofte planta i hagar og parkar. Det finst mange kultivarar til hagebruk, blant dei er orrnäsbjørk eller var. dalecarlica, som har særs djupe bladfliker.

Kjelder[endre | endre wikiteksten]

Bakgrunnsstoff[endre | endre wikiteksten]

Commons-logo.svg Commons har multimedia som gjeld: Hengjebjørk