Huset Stuart

Huset Stuart eller Stewart var eit skotsk, og seinare britisk, fyrstehus av normannisk opphav. Namnet stammar frå den gamle skotske tittelen High Steward. Maria Stuart tok i bruk den franske skrivemåten Stuart då ho budde i Frankrike.

Huset Stuart herska i Skottland i 336 år, frå 1371 til 1707. Etter at Elisabeth I av England, den siste monarken frå huset Tudor, døydde, kom huset Stuart på trona òg i England og Irland, og styrde dei tre kongerika i personalunion mellom 1603 og 1707. I denne perioden kalla herskarane av huset Stuart seg for kongar og dronningar av Storbritannia, sjølv om ein stat med dette namnet endå ikkje eksisterte. Dronning Anne var den første monarken som herska over eit sameint Storbritannia, frå 1707 til ho døydde i 1714. Etter ho døydde vart huset Stuart etterfølgd av huset Hannover på trona.

Regentar

Skotske monarkar

• Robert II (1371-1390)
• Robert III (1390-1406)
• Jakob I (1406-1437)
• Jakob II (1437-1460)
• Jakob III (1460-1488)
• Jakob IV (1488-1513)
• Jakob V (1513-1542)
• Maria Stuart (1542-1567)
• Jakob VI (1567-1625)

Skotske, engelske og irske monarkar

• Jakob VI av Skottland og I av England (1603-1625)
• Karl I av England Skottland (1625-1649)
• Karl II av England Skottland (1660-1685)
• Jakob II av England og VII av Skottland (1685-1688)
• Maria II av England og av Skottland (1689-1694) - med Vilhelm III av England og II Skottland

Britiske monarkar

• Anne av England og Skottland (1702-1714, frå 1707 Anne av Storbritannia)

Kjelder

• Denne artikkelen bygger på «Huset Stuart» frå Wikipedia på bokmål, den 29. mai 2011.