Rouen

Frå Wikipedia – det frie oppslagsverket
Gå til: navigering, søk
Rouen
Domkyrkja i Rouen
Domkyrkja i Rouen
Byvåpenet til Rouen
Byvåpenet til Rouen
Styresmakter
Land
Region
Departement
Frankrike
Haute-Normandie
Seine-Maritime
Geografi
Flatevidd
 - By

21,38 km²
Innbyggjarar
 - By (1999)
   - folketettleik

106 592
  4 986/km²
Koordinatar 49°26′38″N 1°6′12″EKoordinatar: 49°26′38″N 1°6′12″E
Høgd over havet 10 m
Tidssone CET (UTC+1)
Diverse anna
Nettstad: www.mairie-rouen.fr
Plassering
Rouen dot.png

Rouen er den historiske hovudstaden i Normandie nordvest i Frankrike ved elva Seinen. I dag er byen hovudstad i regionen Haute-Normandie og préfecture (administrasjonsstad) i departementet Seine-Maritime. I mellomalderen var Rouen ein av dei største og rikaste byane i Europa. Han var ein av hovudstadane i dei anglonormanniske dynastia, som styrte både England, store delar av det som i dag er Frankrike frå 1000-talet til 1400-talet. Det var i Rouen at engelskmennene brende Jeanne d'Arc i 1431. Folk frå Rouen vert kalla Rouennais.

Rouen har eit folketal på 106 592 innbyggjarar, medan storbyområdet etter ei folketeljing i 1999 hadde 518 316.

Historie[endre | endre wikiteksten]

Domkyrkja i Rouen

Rouen vart grunnlagd av gallarar, som kalla han Ratumacos, og vart seinare gjeve namnet Rotomagus av romarane. Rouen var den største byen i Secunda Provincia Lugdunensis under Konstantin den store. På 400-talet vart byen eit bispesete og seinare hovudstad i Neustria. På 800-talet erobra normannarane byen, og frå 912 var han hovudstad i Normandie og heimstad for hertugane der.

På 1100-talet hadde byen ein yeshiva. På denne tida budde det 6 000 jødar i byen, om lag 20&nsbp;% av busetnaden, i tillegg til mange jødar spreidd rundt i busetnadane i Normandie. Dei godt bevarte restane av yeshivaen vart oppdaga i 1970-åra.

24. juni 1204 kom Filip II August til Rouen og annekterte Normandie i det franske kongedømet.

Under Hundreårskrigen, den 19. januar 1419, overgav Rouen seg til Henrik V av England, som gjorde Normandie ein del av England. Jeanne d'Arc vart brend på bålet i Rouen 30. mai 1431. Franskmennene gjenerobra byen i 1449.

Byen vart kraftig øydelagd på D-dagen under den andre verdskrigen, og den vidkjende domkyrkja vart nesten heilt øydelagd av dei allierte bombene. Under nazi-okkupasjonen hadde den tyske marinen hovudkvarteret sitt i eit slott i Rouen.

Utdanning[endre | endre wikiteksten]

Ein av dei vidaregåande skulane i byen, Lycée Pierre Corneille, har sidan 1918 tatt imot norske elevar for treårig utdanning som endar med fransk baccalaureat. Det vert for tida tatt opp åtte elevar kvart år, gjennom fylkesmannen i Vest-Agder. Den tradisjonsrike skulen, som vart grunnlagd av jesuittane for over 500 år siden, har òg utdanna kjende franske forfattarar som Gustave Flaubert, Guy de Maupassant og tragedielegenda som har gjeve skulen sitt noverande namn, Pierre Corneille.

Museum[endre | endre wikiteksten]

St. Olav kirke

Bakgrunnsstoff[endre | endre wikiteksten]

Commons-logo.svg Commons har multimedia som gjeld: Rouen