Tornsmettar

Tornsmettar
Bruntornsmett, Acanthiza pusilla Foto: Glen Fergus
Systematikk
Rike:	Animalia
Rekkje:	Chordata
Klasse:	Aves
Orden:	Passeriformes
Familie:	Acanthizidae
Slekter
Sjå teksten
Vitskapleg namn
Acanthizidae Sundevall, 1872

Tornsmettar, vitskapleg namn Acanthizidae, er ein biologisk familie av sporvefuglar i Australasia som inkluderer mellom anna gerygonar, musesmettar og krattsmettar. Tornsmettfamilien samlar små til middels store sporvefuglar med ei total lengd varierande mellom 8 og 19 cm. Dei har korte avrunda venger, tynnt nebb, lange bein og ein kort stjert. Dei fleste artane har olivenfarga, grå, eller brun fjørdrakt, sjølv om nokre har flekker av lysare gult. Den minste arten, og faktisk den minste av alle australske sporvefuglar, er stumpnebb. Den største arten i familien er losfugl .

Skildring

Tornsmettfamilien er utbreidd i Australia, Indonesia, New Zealand, og i sørvestre Stillehavet. Dei fleste artane finst i Australia og på Ny-Guinea, Australia har 35 endemiske artar og Ny-Guinea har 15. Vanuatu, Ny-Caledonia og Salomonøyane har kvar ein einskild art, og tre artar finst i New Zealand regionen, medrekna endemisk artar på Chatham Islands og Norfolk Island. I Asia er to artar avgrensa til Indonesia og ein annan er funnen i Filippinene og på fastlandet . Dei fleste artane er ikkje trekkfuglar, med unntak av Gerygone-artane. Familien har ei rekkje habitat frå regnskog til tørre ørkenar.

Dei fleste artane er bakkelevande, beitar hovudsakleg på insekt, men òg litt frø. Særleg artar av kvitmasker, slekta Aphelocephala, konsumerer store mengder frø, og andre artar vil ta frukter. Somme artar føretrekk sekreta av plantesaftsugande insekt, dessutan insekta sjølve. Nokre artar er mindre knytt til liv på bakken, slik som stumpnebb, som beitar i tretoppane, og hòlefugl. Uvanleg for så små fuglar legg dei berre eit eller to egg i kvart kull, moglegvis fordi dei har relativt lang levetid, der mange artar som lever til over ti år i naturen.

Verdas naturvernunion, IUCN, vurderer dei fleste taksa i familien som lite sårbare. Unntaka, norfolkgerygone, Gerygone modesta, er sårbar, og beltekvitmaske, Aphelocephala pectoralis reknast som nær trua. Ein art, lordhowegerygone, Gerygone insularis, vart utrydda av rottepredasjon på byrjinga av 1930-talet.

Artslista

Tornsmettar i rekkjefølgje etter Clementslista versjon 6.5 frå desember 2010 med norske namn etter Norske navn på verdens fugler.

Slekt Pycnoptilus Losfugl, Pycnoptilus floccosus Slekt Origma Hòlefugl, Origma solitaria Slekt Oreoscopus Bregnekrattsmett, Oreoscopus gutturalis Slekt Crateroscelis Kanelmusesmett, Crateroscelis murina Kastanjemusesmett, Crateroscelis nigrorufa Fjellmusesmett, Crateroscelis robusta Slekt Sericornis Gulstrupekrattsmett, Sericornis citreogularis Kvitbrynkrattsmett, Sericornis frontalis Tasmankrattsmett, Sericornis humilis Athertonkrattsmett, Sericornis keri Brillekrattsmett, Sericornis beccarii Iriankrattsmett, Sericornis virgatus Umbrakrattsmett, Sericornis nouhuysi Langnebbkrattsmett, Sericornis magnirostra Vogelkopkrattsmett, Sericornis rufescens Rustmaskekrattsmett, Sericornis perspicillatus Bergkrattsmett, Sericornis papuensis Olivenkrattsmett, Sericornis arfakianus Bleiknebbkrattsmett, Sericornis spilodera Slekt Acanthornis Klatrekrattsmett, Acanthornis magna Slekt Pyrrholaemus Raudstrupekrattsmett, Pyrrholaemus brunneus Flekkrattsmett, Pyrrholaemus sagittatus Slekt Calamanthus Rustkrattsmett, Calamanthus campestris Stripekrattsmett, Calamanthus fuliginosus Slekt Hylacola Kastanjegumpkrattsmett, Hylacola pyrrhopygia Malleekrattsmett, Hylacola cauta

Slekt Acanthiza Papuatornsmett, Acanthiza murina Okergumptornsmett, Acanthiza reguloides Vesttornsmett, Acanthiza inornata Alvetornsmett, Acanthiza iredalei Bergtornsmett, Acanthiza katherina Bruntornsmett, Acanthiza pusilla Tasmantornsmett, Acanthiza ewingii Krattornsmett, Acanthiza apicalis Gulgumptornsmett, Acanthiza chrysorrhoa Kastanjegumptornsmett, Acanthiza uropygialis Mulgatornsmett, Acanthiza robustirostris Gultornsmett, Acanthiza nana Stripetornsmett, Acanthiza lineata Slekt Smicrornis Stumpnebb, Smicrornis brevirostris Slekt Gerygone Grågerygone, Gerygone cinerea Grønryggerygone, Gerygone chloronota Skjeggerygone, Gerygone palpebrosa Biakgerygone, Gerygone hypoxantha Kvitstrupegerygone, Gerygone olivacea Gulbukgerygone, Gerygone chrysogaster Stornebbgerygone, Gerygone magnirostris Kvitaugegerygone, Gerygone tenebrosa Brungerygone, Gerygone mouki Orientgerygone, Gerygone sulphurea Timorgerygone, Gerygone inornata Rustflankegerygone, Gerygone dorsalis Berggerygone, Gerygone ruficollis Flekkhalegerygone, Gerygone fusca Mangrovegerygone, Gerygone levigaster Norfolkgerygone, Gerygone modesta Igatagerygone, Gerygone igata Kvitpannegerygone, Gerygone albofrontata Gulflankegerygone, Gerygone flavolateralis Slekt Aphelocephala Silkekvitmaske, Aphelocephala leucopsis Beltekvitmaske, Aphelocephala pectoralis Ringkvitmaske, Aphelocephala nigricincta

Kjelder

• Denne artikkelen byggjer på «Acanthizidae» frå Wikipedia på engelsk, den 17. januar 2011. Artikkelen gav følgjande referansar:

• Christidis, L., and W.E. Boles. 1994. The taxonomy and species of Birds of Australia and its territories. R.A.O.U. Monograph 2: 1-112.
• Del Hoyo, J.; Elliot, A. & Christie D., ed (2007). Picathartes to tits and chickadees. Handbook of the Birds of the World. Band 12. Barcelona: Lynx edicions. ISBN 978-84-96553-42-2. 
• Mason, Ian J. & Schodde, Richard. 1999. The Directory of Australian Birds: Passerines. ISBN 978-0-643-06456-0
• Sibley, C.G., and J.E. Ahlquist. 1990. Phylogeny and Classification of Birds: A Study in Molecular Evolution. Yale Univ. Press, New Haven, CT. ISBN 978-0-300-04085-2

Bakgrunnsstoff

• Videoar, bilete og lydopptak av tornsmettar hos Internet Bird Collection