Vladimir Melanjin
| Vladimir Melanjin | |
 Vladimir Melanjin på russisk frimerke frå 2013 | |
| Statsborgarskap | Sovjetunionen, Russland |
| Fødd | 1. desember 1933 Sovetsky District |
| Død |
10. august 1994 (60 år) |
| Yrke | skiskyttar |
| Språk | russisk |
| Politisk parti | Sovjetunionens kommunistiske parti |
| Vladimir Melanjin på Commons | |
Vladimir Mikhailovitsj Melanjin[1] (1. desember 1933–10. august 1994) var ein sovjet-russisk skiskyttar frå Balyik i Kirov oblast i Russland. Han vart verdsmeister i skiskyting i 1959, 1962 og 1963, samt olympisk meister for Sovjetunionen i 1964 i Innsbruck.
Aktiv[endre | endre wikiteksten]
Melanjin vart den andre verdmeisteren i skiskyting då han i Courmayeur i 1959 vann den einaste øvinga i meisterskapen. Året etter vart han nummer fire dei olympiske leikane i Squaw Valley. Både i 1962 og 1963 vart han verdsmeister, begge gongane framom finske Antti Tyrväinen. 1963-meisterskapen gjekk elles i Seefeld i Austerrike, der Melanjin året etter var tilbake og vann ein suveren gullmedalje under dei olympiske vinterleikane 1964. Han trefte då på alle 20 skota og slo landsmannen, sølvvinnaren Aleksandr Privalov med over tre minuttar, nordmannen Olav Jordet tok bronsen. I 1965 var Melanjin sjølvskriven på Sovjetunionen sitt firemannslag til den fyrste stafetten i eit VM i skiskyting. Saman med Valentin Psjenitsyn, Aleksandr Privalov og Nikolaj Puzanov kom han på bronseplass; Noreg vann stafett-tevlinga framom Sverige.
Medaljar og besteplasseringar i internasjonale meisterskap[endre | endre wikiteksten]
- VM i skiskyting 1959 i Courmayeur: Gullmedalje på 20 km
- Vinter-OL 1960 i Squaw Valley: Nr 4 på 20 km
- VM i skiskyting 1962 i Tavastehus: Gullmedalje på 20 km
- VM i skiskyting 1963 i Seefeld: Gullmedalje på 20 km
- Vinter-OL 1964 i Innsbruck: Gullmedalje på 20 km
- VM i skiskyting 1965 på Elverum: Nr 7 på 20 km, bronsemedalje i stafett
- VM i skiskyting 1966 i Garmisch-Partenkirchen: Nr 4 i stafett
Kjelder[endre | endre wikiteksten]
- Sportsboken, aktuelle årgangar