We Write the Story

Frå Wikipedia – det frie oppslagsverket
We Write the Story
Singel av Avicii & B&B & Choir
Land Sverige
Språk Engelsk
Utgjeve 18. mai 2013
Innspelt April 2013
Sjanger elektronisk musikk
Komponist Avicii
Låtskrivar(ar) Björn Ulvaeus, Benny Andersson og Avicii

«We Write the Story» er ein song skriven av dei svenske tidlegare ABBA-medlemmane Björn Ulvaeus og Benny Andersson og den svenske DJ-en og plateprodusenten Avicii. Kven som framførte songen er ikkje kjend, men på iTunes står «Avicii & B&B & Choir» oppført som artist. Songen var hymnen til Eurovision Song Contest 2013, og vart framført for fyrste gong under finalen 18. mai 2013.

Utgjeving og bakgrunn[endre | endre wikiteksten]

15. april 2013 annonserte Den europeiske kringkastingsunionen (EBU) at Ulvaeus, Andersson og Avicii skulle skrive ein hymne til Eurovision Song Contest 2013.[1][2] Idéen til ein «Eurovisjonshymne» til Eurovision Song Contest 2013 var der frå ein starta planlegginga av tevlinga. Dei tre låtskrivarane hadde heile tida vore på toppen av lista over musikarar Sveriges Television (SVT) ville samarbeide med. Produsenten Martin Österdahl sa:

«Me er ekstremt glad for å annonsere at Benny, Björn og Avicii vil skrive eit unikt musikkstykke til Eurovision Song Contest 2013».[3]

Andersson og Ulvaeus, som var ein del av ABBA saman med Agnetha Fältskog og Anni-Frid Lyngstad, sa at dei var samd med SVT og deira «visjon for tevlinga». Samarbeidet vart hylla som ein «union mellom dei to største musikalske eksportørane i Sverige».[3]

Kjelder[endre | endre wikiteksten]

Fotnotar[endre | endre wikiteksten]