Sarah Dawn Finer

Sarah Dawn Finer.

Sarah Dawn Finer (fødd 14. september 1981 i Stockholm) er ein svensk songar, låtskrivar og skodespelar.

Melodifestivalen

Finer deltok i den fjerde deltevlinga i Melodifestivalen 2007 med songen «I Remember Love». Ho gjekk vidare til finalen der ho enda på fjerdeplass.

To år seinare deltok ho i den fjerde deltevlinga i Melodifestivalen med songen «Moving On» og gjekk vidare til andresjansen. Frå andresjansen gjekk ho vidare til finalen der ho enda på sjetteplass.

I finalen i Eurovision Song Contest 2009 las ho opp røystene frå Sverige. I SVT-programmet Inför Eurovision Song Contest 2011 var ho ein av dei fem i juryen som forhandsgranska og diskuterte bidraga i Eurovision Song Contest 2011.

Våren 2012 var ho programleiar for Melodifestivalen saman med Helena Bergström og Gina Dirawi. Som pausenummer i den fyste deltevlinga framførde ho «Hela Sveriges fest» saman med dei to andre programleiarane. I den fjerde deltevlinga framførde ho ein eigen versjon av songen The Hunter saman med Stenhammarkvartetten som pausenummer.

Diskografi

Album

• 2007: A Finer Dawn
• 2009: Moving On
• 2011: Winterland

Med Malena Ernman

• 2011: En riktigt god jul

EP

• 2005: Sarah Dawn Finer

Singlar

• 2007: I Remember Love
• 2007: Stay
• 2007: A Way Back to Love
• 2007: Stockholm By Morning
• 2008: Does She Know You
• 2009: Moving On
• 2010: Kärleksvisan
• 2010: I'll Be Your Wish Tonight
• 2011: Sometimes it Snows in April

Kjelder

• Denne artikkelen bygger på «Sarah Dawn Finer» frå Wikipedia på svensk, den 1. mars 2012.