Alnes fyrstasjon
 | |||
| Fylke | Møre og Romsdal | ||
|---|---|---|---|
| Kommune | Giske | ||
| Oppretta | 1853 | ||
| Koordinatar | 62°29.3929′N 5°58.0468′E / 62.4898817°N 5.9674467°E | ||
| Fyrtårn | |||
| Høgd | 22,5 | ||
| Form | Kvitt tårn med to raude belte. | ||
| Byggjemateriale | Tre | ||
| Fyrlys | |||
| Lyskarakter | To okkulterande glimt kvart 8. sekund | ||
| Lyshøgd | 36 moh. | ||
| Lysvidde | 16,4 nm | ||
| Status | |||
| Eigar | Staten | ||
| Automatisert | 1982 | ||
| Avfolka | 1982 | ||
| Vernestatus | Freda etter lov om kulturminne | ||
 Alnes fyrstasjon 62°29′00″N 5°58′00″E / 62.483333°N 5.966667°E | |||
Alnes fyrstasjon er eit fyr som ligg nord på Godøy i Giske kommune på Sunnmøre, vest for Ålesund.
Fyrstasjonen vart oppretta i 1852 og automatisert og avbemanna i 1982. Godøy er landfast med bru og tunnelsambadn til Vigra, og det går bilveg heilt fram til Alnes fyr, som er eit populært turistmål i området.
I første omgang vart det oppretta ei privat lykt på Alnestangen for at dei lokale fiskarane skulle ha eit lyssignal å gå etter under torskefisket. I starten var det tre talglys i ei lita fyrstove. Fiskarane i området skulle alle medverke til drifta av fyret, men då dette ikkje skjedde vart Staten oppmoda om å ta over drifta i 1859. Staten avviste oppmodinga og fyret vart derfor nedlagt i 1862. Borgund kommune, som Alnes då høyrde til, sende inn fleire søknadar og i 1869 vart det endeleg gjeve 250 spesidalar for ei lita fyrlykt i ei mast. Denne lykta vart seinare flytta inn i eit lite skur.
I 1874 var fyret tend frå 1. august til 15. mai og det vart vanskelgare å få tilsynsmann. Fyrvesenet tilsette då ein fast fyrvaktar og bygde bustad til han i 1876. Bygningen vart ei kombinert fyrlykt og familiebustad. I 1891 vart det gjort store utvidingar på fyrstasjonen med nytt vaktrom i andre etasje. Lykta var då 24,7 meter over flo sjø. Eit fransk linseapparat av 4. orden vart sett inn i 1905.
I 1936 vart det bygd eit nytt vinkeljerntårn med ei høgd på 22,5 meter for å få fyrlykta enno høgare over havet. Slike tårn er sjeldne å sjå i landet. Etter at fyret vart automatisert og avfolka i 1982 stod bygningane ved fyrstasjonen i forfall. I 1993 starta ein restaureringsprosess av heile fyrstasjonen for å føre både det utvendige og interiøret tilbake til den opphavlege utsjånaden. Fyrstasjonen er i dag freda etter lov om kulturminne.
Sjå òg
[endre | endre wikiteksten]Kjelder
[endre | endre wikiteksten]- «Norsk fyrliste 2008 - side 292» (PDF - 15 mb). Kystverket.
- «Alnes fyrstasjon». Norsk Fyrhistorisk Forening.
Bakgrunnsstoff
[endre | endre wikiteksten]- Alnes fyrstasjon i kulturminnesok.no, nettstaden til Riksantikvaren