Andreas Köpke

Frå Wikipedia – det frie oppslagsverket
Hopp til navigering Hopp til søk
Andreas Köpke
20180602 FIFA Friendly Match Austria vs. Germany Andreas Köpke 850 0604.jpg
Fødd 12. mars 1962
Kiel
Yrke fotballspelar
Andreas Köpke på Commons

Andreas Köpke (fødd 12. mars 1962) er ein tysk tidlegare fotballspelar frå Kiel. Målvakta vart europameister med Tyskland under EM i fotball 1996. Gjennom to periodar spelte han i til saman ti sesongar på FC Nürnberg.

Klubbspel[endre | endre wikiteksten]

Frå 1979 spelte Köpke fire sesongar på Holstein Kiel, deretter ein sesong på Charlottenburg og to sesongar i Hertha Berlin. Sommaren 1986 vart han overført til FC Nürnberg, og vart der verande i åtte år. Sidan var han sisteskanse 1994-96 i Eintracht Frankfurt og Olympique Marseille-spelar 1996-99. Til sist vakta han atter Nürnberg-målet i to år, før han la opp i 2001, 39 år gammal.

Landslagsspel[endre | endre wikiteksten]

Köpke fekk sin landslagsdebut våren 1990. Han var med i troppa til fotball-VM 1990 i Italia, utan å kome i aksjon på bana, ettersom Bodo Illgner spelte alle kampane. Både ved EM i fotball 1992 og VM 1994 var Illgner fast mellom stengene i det tyske målburet, og Köpke plassert på benken. Etter den sistnemnde meisterskapen vart Köpke det vanlege fyrstevalet i tida fram til 1998. Under fotball-EM 1996 stod han samtlege seks kampar i turneringa, og stoppa Gareth Southgate si straffe då Tyskland slo ut arrangørlandet England og gjekk vidare frå semifinalen etter straffeskyting. Meisterskapen enda med tysk triumf etter 2-1 mot Tsjekkia i finalen. Også i VM i fotball 1998 spelte han alle Tysklands kampar, ei turnering som enda med at laget vart slått ut i kvartfinalen. Oppgjeret vart samstundes den 59. og siste landskampen til Köpke.

Merittar[endre | endre wikiteksten]

  • Europameister: 1996 med Tyskland

Kjelder[endre | endre wikiteksten]