Bruno Bellone

Frå Wikipedia – det frie oppslagsverket
Hopp til navigering Hopp til søk
Bruno Bellone
Statsborgarskap Frankrike
Fødd 14. mars 1962
Toulon
Idrett fotball
Yrke fotballspelar

Bruno Bellone (fødd 14. mars 1962) er ein fransk tidlegare fotballspelar frå Toulon som vart europameister med Frankrike i 1984. Han deltok 1981-88 i 34 landskampar og skåra 2 mål. Bellone var vengspelar og med på å vinne både den nasjonale serien og cupen med AS Monaco.

Klubbspel[endre | endre wikiteksten]

Bellone spelte på AS Monaco frå 1980 til -87, ein klubb han vart ligameister med i 1982. Tre år seinare var han også med då Monaco slo Paris Saint-Germain 1-0 i den franske cupfinalen. Perioden 1987-90 var han Cannes-spelar i to åtskilde sesongar, i mellomtida gjorde han ein sesong teneste i Montpellier. Ein ankelskade gjorde han la opp 28 år gammal.

Landslagsspel[endre | endre wikiteksten]

Bellone skåra i sin landslagsdebut i Dublin 14. september 1981, då Frankrike gjekk på eit 2-3-tap mot heimelaget i ein VM-kvalifiseringskamp. Han spelte ein einaste kamp i sjølve Fotball-VM 1982, i bronsefinalen mot Polen tapte laget hans med dei same siffera mot Irland hausten før. Bellone sitt landslagsmål nummer to kom i sluttsekunda av EM-finalen 1984 mot Spania, på ei kontring syrgde han for fransk siger 2-0. Sidan skåra han aldri på landslaget. Han deltok i fire kampar under VM i fotball 1986, mellom dei då Frankrike vann 4-2 over Belgia i bronsefinalen. Bellone sitt farvel med landslaget kom i januar 1988, han var innbytar då Marokko vart slått 2-1 Monaco.

Merittar[endre | endre wikiteksten]

  • Europameister: 1984 for Frankrike
  • Fransk seriemeister: 1982 med AS Monaco
  • Fransk cupmeister: 1985 med AS Monaco

Kjelder[endre | endre wikiteksten]