Gattsjina

Gattsjina Гатчина
Flagget til Gattsjina Byvåpenet til Gattsjina
Plassering
Styresmakter
Land	Russland
Føderasjonssubjekt	Leningrad oblast
Først nemnd i Bystatus	1499 1796
Borgarmeister	Aleksander Romanovitsj Kalugin
Geografi
Flatevidd  - By	29 km²
Innbyggjarar  - Totalt (2007)    - folketettleik	89 100   3 072,4 /km²
Koordinatar	59°34′00″N 30°08′00″E
Høgd over havet	100 moh
Diverse annan informasjon
Postnummer	188300-188310, 188319
Retningsnummer (tlf)	+7 81371
Nettstad: www.gatchina-meria.ru

Gattsjina (russisk skrift Га́тчина, finsk Hatsina, polsk Gatczyna) er ein by i Leningrad oblast i Russland, om lag 45 km sør for St. Petersburg ved vegen som fører til Pskov. Byen har om lag 90 000 innbyggjarar (2007). Staden er skriven inn på verdsarvlista som ein del av «St. Petersburg og relaterte grupper av monument».

Tidleg historie

Khottsjino (eit eldre namn for Gattsjina) vart første gong nemnt i skriftlege kjelder i 1499 som ein landsby underlagd Velikij Novgorod eller Stornovgorod i Russland. I løpet av ei rekkje krigar på 1600-talet vart byen først gjeve til Livland (eit historisk område som i dag er delt mellom Estland og Latvia), så til Sverige før det igjen vart ein del av Russland i løpet av den store nordiske krigen. På denne tida var Gattsjina eit sørleg grannelag til den nye hovudstaden i Russland, St. Petersburg.

I 1708 gav tsar Peter den store Gattsjina til syster si Natalia Aleksejevna og då ho døydde grunnla han eit keisarleg hospital og apotek her. I 1765 kjøpte Katarina den store Gattsjina med tjue landsbyar i omegn som ho så skjenka til favoritten sin, general og grev Orlov. Mellom 1766 og 1788 bygde greven eit slott med 600 rom her og anla ein omfattande engelsk landskapspark på over 700 hektar med ein tilstøytande dyrehage og ein gard for hestar. Ein triumfboge teikna av Antonio Rinaldi vart reist for å danne ein monumental inngang.

Gattsjinapalasset vart utvida fleire gonger av ulike keisarlege eigarar. Rokokkointeriøret vart teikna av Rinaldi og Vincenzo Brenna og utført av italienske stukkaturarbeidarar og russiske handverkarar. Interiøret vart framheva med parkettgolv, måla veggar og karakteristiske italienske møblar.

Systerbyar

• Eskilstuna i Sverige
• Esbo i Finland
• Ettlingen i Tyskland

Kjelder

• Denne artikkelen bygger på «Gattsjina» frå Wikipedia på bokmål, den 8. januar 2009.
  • Wikipedia på bokmål oppgav desse kjeldene:

Bakgrunnsstoff

Commons har multimedium som gjeld: Gattsjina

Denne Russlandartikkelen som har med geografi å gjere, er ei spire. Du kan hjelpe Nynorsk Wikipedia gjennom å utvide han.