Gaupne

	Gaupne
	stad
	Gaupne inst i fjorden Foto: G.Lantig
Land	Noreg
Fylke	Vestland
Kommune	Luster
Areal	1,49 km²
Folketal	1 286 (2024)
Folketettleik	863 / km²
Postnummer	6868 GAUPNE
Innbyggjarnamn	gopning
Preposisjon	i Gaupne
Ferdselsårer	604
	; Gaupne; 61°24′17″N 7°17′40″E / 61.40472°N 7.29458°E
	Wikimedia Commons: Gaupne

Gaupne er kommunesenteret i Luster kommune i Vestland fylke. Tettstaden har 1 286 innbyggjarar per 1. januar 2024 og ligg ved utlaupet til Jostedøla, inst i Gaupnefjorden, ein sidearm til Lustrafjorden, som igjen er ein sidearm til Sognefjorden.

Her ligg Gaupne gamle kyrkje og Gaupne kyrkje og skulane Luster ungdomsskule og barneskulen Gaupne skule.

Gaupne er òg namnet på eit kyrkjesokn i Indre Sogn prosti. Det er to kyrkjer i soknet, Gaupne kyrkje frå 1907 og Gaupne gamle kyrkje frå kring 1650. Gamlekyrkja er sidan 1909 i eiga til Fortidsminneforeninga medan Gaupne kyrkje er soknekyrkje. Fram til 1967 høyrde Gaupne sokn til Luster prestegjeld, då vart det overført til Jostedal prestegjeld.^[2]

Namnet Gaupne kjem frå gamalnorsk gaupn som tyder 'hol hand, neve'. I fylgje Oluf Rygh si tolking var namnet opphavleg brukt om fjorden. Ei anna tolking er at namnet kom av at bygda ligg i ei senking mellom tre høgder.^[1]

Sjå òg

Tettstader i Vestland

Kjelder

SSB: «Tettsteder og sentrumssoner. 1. januar 2005. Sogn og Fjordane»

Fotnotar

1 2 Jørn Sandnes og Ola Stemhaug (red): Norsk stadnamnleksikon. Det Norske Samlaget, Oslo, 1997. ISBN 82-521-4905-7
↑ «Kirkebøker, Sogn og Fjordane» på nettstaden til Arkivverket

Bakgrunnsstoff

Eldre fotografi frå Gaupne på nettstaden til Nasjonalbiblioteket

[Ola_Stemhaug_1997-1] 1 2 Jørn Sandnes og Ola Stemhaug (red): Norsk stadnamnleksikon. Det Norske Samlaget, Oslo, 1997. ISBN 82-521-4905-7

[2] «Kirkebøker, Sogn og Fjordane» på nettstaden til Arkivverket

[1]

[2]