Grete Berget

Frå Wikipedia – det frie oppslagsverket
Hopp til navigering Hopp til søk
Grete Berget
Grete Berget.jpg
Fødd 25. mars 1954

Vinstra

Død 9. november 2017
Oslo

Grete Anni Berget (25. mars 19549. november 2017) var ein norsk journalist og politikar frå Arbeidarpartiet, fødd på Vinstra i Gudbrandsdalen, der ho voks opp i eit arbeidarklassemiljø[1].

Ho har studerte pedagogikk (1976–1977) og samfunnspolitikk og offentleg administrasjon (1981–1982) ved Oppland distriktshøgskole, og journalistikk ved Norsk journalistikkhøgskole (1984–1985). Berget har arbeidd som lærar i barne- og ungdomsskulen, i tillegg til at ho har vore journalist i avisa Dagningen, NRK Oppland og politikkavdelinga i Arbeiderbladet. Frå 1982 til 1984 var ho redaktør for medlemsavisa til AUF, og frå 1985 til 1987 leiar av AUF.

Grete Berget var informasjonsleiar ved kontoret til statsministeren i 1988–1989 og personleg rådgjevar for Gro Harlem Brundtland i 1989–1990. Ho heldt fram som statsråd og sjef for Barne- og familiedepartementet i regjeringa Brundtland III frå 1991 til 1996. Ho var dessutan informasjonssjef i Arbeidarpartiet frå 1998 til 2001. I 2002 vart ho rådgjevar i Europarørsla, og sidan 2003 har ho vore generalsekretær der. Ho har dessutan sete i styret for Universitetet i Oslo sidan 2006. Berget var busett i Oslo.

Som sjef for Barne- og familiedepartementet under regjeringa Brundtland fremma Grete Berget i 1993 saka om innføringa av fedrekvota ved fødselspermisjon, og skal seinare ha sagt at ho kjende seg glad og stolt kvar gong ho såg ein mann trille barnevogn. Ho var dessutan den fyrste statsråden som fekk barn og tok ut permisjon etterpå[2].

Fotnotar[endre | endre wikiteksten]

  1. Minneord i Klassekampen 10. november 2017, side 36
  2. Minneord i Klassekampen 10. november 2017, side 36

Kjelder[endre | endre wikiteksten]