Hopp til innhald

Hanaton

Frå Wikipedia – det frie oppslagsverket
Hanaton
kibbutz
Hanaton, sett frå Tel Hanaton
Land  Israel
Region Nedre Galilea
Distrikt Nord distrikt
Kommune Jezreeldalen
Koordinatar 32°47′8.51″N 35°14′38.39″E / 32.7856972°N 35.2439972°E / 32.7856972; 35.2439972
Folketal 1 008 (2021)[1]
Grunnlagd 1984
 •  Grunnlagd av Konservative jødar
Tilhøyrsle Kibbutzrørsla
Kart
Hanaton
32°47′09″N 35°14′38″E / 32.785697222222°N 35.243997222222°E / 32.785697222222; 35.243997222222
Wikimedia Commons: Hanaton

Hanaton (hebraisk חַנָּתֹן, חנתון) er ein kibbutz nord i Israel. Han ligg tolv kilometer nord for Nasaret nær den arabiske byen Shefaram og høyrer til Jezreeldalen regionale kommune. I 2006 hadde han eit folketal på 250.

Etymologi[endre | endre wikiteksten]

Det bibelske namnet Hanaton (hebraisk חַנָּתֹן) finst i Josvas bok (19:14), der det er oppført i området til Sebulon-stammen, og dannar grensa til Asher-stammen.

Arkeologi[endre | endre wikiteksten]

Tel Hanaton

Tel Hanaton er ein arkeologisk stad som er knytt til den bibelske staden vest for kibbutzen. Telen ligg vest i Beit Netofa-dalen og dekkjr eit område på kring 100 dekar. Han var busett frå bronsealderen til Det osmanske riket.

Geografi[endre | endre wikiteksten]

Hanaton ligg oppom Eshkolsjøen, ein viktig del av Nasjonal vasstransport (Eshkolsjøen er eit 4,5 million m3 stort reservoar nedom Hanatonnær enden av Beit Netofa-kanalen). Nord for kibbutzen ligg den arabiske landsbyen Kafr Manda. Sørvest for kibbutzen, på andre sida av hovudveg 79, ligg Alon HaGalil.

Historie[endre | endre wikiteksten]

I 1980-åra valde ei gruppe studentar frå Jewish Theological Seminary i New York City å opprette ein kibbutz for medlemmar av den konservative rørsla. Gar'in Nitzan rekrutterte medlemmar frå heile USA og slo seg saman med den israelske greina av konservativ jødedom, Masorti-rørsa. 1. september 1983 flytta 30 medlemmar, 18-19 år gamle, til Kfar HaHoresh for opplæring. Dei fekk med seg 40 medlemmar frå Gar'in Nitzan, inkludert familiar med små barn. I september 1984 flytta grunnleggjarane inn i den nye kibbutzen, som vart kalla opp etter ein bibelske by som hadde lege i området og som nemnt i Josvas bok. Emigrantar frå Sør-Afrika, Sør-Amerika, Nederland og Canada slo seg seinar til kibbutzen. I 1997 byrja Den samla Kibbutzrørsla å sende HaNoar HaOved VeHaLomed-grupper til kibbutzen, men dei har ikkje blitt aksepterte som fullverdige medlemmar av ideologiske årsaker.[2]

Kjelder[endre | endre wikiteksten]

Bakgrunnsstoff[endre | endre wikiteksten]