Herma Bauma

Frå Wikipedia – det frie oppslagsverket
Hopp til navigering Hopp til søk
Herma Bauma
Wien02 Meiereistraße007 Stadion 2018-11-20 GuentherZ GD Bauma (02).jpg
Fødd 23. januar 1915
Wien
Død

9. februar 2003
Wien

Yrke handballspelar, spydkaster, friidrettsutøvar

Hermine Leopoldine Bauma, kjend som Herma Bauma, (23. januar 19159. februar 2003) var ein austerriksk friidrettsutøvar og handballspelar, fødd og død i Wien. Ho tok Austerrikes fyrste olympiske gullmedalje i ei friidrettsøving då ho vann spydkasttevlinga under London-OL 1948.

Aktiv[endre | endre wikiteksten]

Bauma vart austerriksk meister i spydkasting 16 år gammal. To år seinare deltok ho i øvinga i Verdsleikane for kvinner og vann sølvmedaljen med eit bestekast på 40,30 m, vel to meter bak vinnaren, tyske Lisa Gelius. Då Sommar-OL 1936 fann stad i Berlin vart Bauma nummer fire etter eit kast på 41,66 m, slått av bronsemedaljøren med 14 centimeter.

Sommaren 1947 sette Bauma verdsrekord med 48,21 meter heime i Wien. Året etter vart ho i London olympisk meister med eit kast på 45,57 m, før ho den 12. september forbetra sin eigen verdsrekord til 48,63 m, også då heime i Wien. Ved europameisterskapen 1950 i Brussel fekk ho sølvmedaljen i spydtevlinga, medan ho vart nummer ni med 42,54 m under Sommar-OL 1952 i Helsinki.

Frå 1931 til 1952 vart Bauma austerriksk meister i spydkast femten gongar, og femkampmeister tre gongar. Ho forbetra den austerrikske spydrekorden 14 gongar. Den siste rekorden stod til Erika Strasser i 1959 kasta spydet 48,99 m.

Medaljar og plasseringar i internasjonale meisterskap[endre | endre wikiteksten]

  • Sommar-OL 1936: Nr 4 – 41,66 m
  • Verdsleikane 1934 i London: Sølvmedalje – 40,30 m, bakom Lisa Gelius (42,43 m)
  • OL 1948 i London: Gullmedalje – 45,57 m, framom Kaisa Parviainen (43,79 m)
  • EM 1950 i Brussel: Sølv – 43,87 m, bakom Natalja Smirnizkaja (47,55 m)
  • OL 1952 i Helsinki: Nr 9 – 42,54 m

Bauma spelte i fleire år på det austerrikske landslaget i handball.

Kjelder[endre | endre wikiteksten]