Imre Németh

Imre Németh
Statsborgarskap	Ungarn
Fødd	23. september 1917 Košice
Død	18. august 1989 (71 år) Budapest
Yrke	sleggekaster, friidrettsutøvar, politikar
Språk	ungarsk
Høgd	184 centimeter
Politisk parti	Ungarns kommunistiske parti (1945–1948), Ungarns kommunistiske parti (1948–1956), Ungarns sosialistiske arbeiderparti

Imre Németh (23. september 1917–18. august 1989) var ein ungarsk friidrettsutøvar som tevla i sleggjekast. Han vart olympisk meister i sleggekast i 1948 i London. Németh kom til verda i Košice, i dag i Slovakia, den gongen i kongeriket Ungarn. Han var far til Miklós Németh som vann OL-gull i spydkast under sommar-OL 1976.

Aktiv

Németh var med då den fyrste internasjonale meisterskapen i friidrett, EM 1946, vart arrangert i Oslo i august månad. Her vart han nummer fire. Midtvegs i juli 1948, to veker før Sommar-OL i London vart opna, sette han ny verdsrekord i sleggekast med eit kast på 59,02 meter i Tata, to centimeter lengre enn den ti år gamle rekorden. Så langt kasta han ikkje i olympiaden, der han hadde dei tre lengste kasta, med 56,07 m i sjette og siste omgangen som det alle lengste.

I 1949-sesongen forbetra Németh, i polske Katowice, sin eigen verdsrekord til 59,57 m og året etter ytterlegare til 59,88 m i Budapest. Denne siste rekorden stod til Sommar-OL 1952 i Helsingfors, der hans eigen landsmann, József Csermák, vart den aller fyrste som kasta slegga over 60 meter. Sjølv oppnådde Németh 57,74 meter i OL-tevlinga og fekk bronsemedaljen.

Medaljar og plasseringar i internasjonale meisterskap

• EM 1946 i Oslo: Nr 4 - 50,03 m
• OL 1948 i London: Gullmedalje (56,07 m) framom Ivan Gubijan (54,27 m) frå Jugoslavia
• OL 1952 i Helsingfors: Bronsemedalje – 57,74 m
• EM 1954 i Bern: Nr 6 - 56,86 m

Kjelder

• Denne artikkelen bygger på «Imre Németh» frå Wikipedia på tysk, den 9. august 2012.

• Denne artikkelen bygger på «Imre Németh» frå Wikipedia på engelsk, den 9. august 2012.