Joël Bats

Joel Bats

Personleg informasjon
Fødselsdato	4. januar 1957 (67 år)
Fødestad	Mont-de-Marsan i Frankrike
Høgd	178 cm
Posisjon	Målvakt
Seniorkarriere*
År	Lag	Kampar	(Mål)
1974-1976	Sochaux B
1976-1980	Sochaux	66	(0)
1980-1985	Auxerre	184	(0)
1985-1992	PSG	254	(0)
Landslag
1983-1989	Frankrike	50	(0)
Trenar for
1992-1994	PSG (målvaktstrenar)
1994-1996	PSG (assistenttrenar)
1998-1999	Châteauroux
2016-2017	Lyon (målvaktstrenar)
2018-	Montreal Impact (målvaktstrenar)
* Seniorklubbkampar og mål berre telt for nasjonal liga

Joël Bats (fødd 4. januar 1957) er ein fransk tidlegare fotballspelar frå Mont-de-Marsan. Han vart europameister med Frankrike i 1984 og vann VM-bronse i 1986.

Klubbspel

Bats var frå 1974 til -80 i stallen til Sochaux. Etter seks sesongar med mykje benkesliting gjekk han over til nyopprykte AJ Auxerre, der han snøgt vart fyrstemålvakt og elles lagt merke til. Sommaren 1984 vart han overført til Paris Saint-Germain. I sin andre sesong med laget frå Paris var han med å vinne klubbens aller fyrste seriegull. Bats vart verande i PSG til han la opp som profesjonell i 1992.

Landslagsspel

Frå hausten 1983 til -89 vakta Bats Frankrikes mål i 50 landskampar. Under EM i fotball 1984 på franske heimebaner tok han plass mellom stengene i alle Frankrikes kampar. Han var såleis med på det franske fotballandslaget sin største triumf til dess, sigeren i EM-finalen på Parc des Princes i Paris 27. juni 1984. Også i Fotball-VM 1986 i Mexico var Bats fyrstemålvakt. I den meisterskapen utmerkte han seg særleg i kvartfinalen mot Brasil, der han på stillinga 1-1 redda eit straffespark frå Zico.

Merittar

• Europameister: 1984 med Frankrike
• VM-bronse: 1986 med Frankrike
• Fransk seriemeister: 1986 med Paris Saint-Germain

Kjelder

• Denne artikkelen bygger på «Joël Bats» frå Wikipedia på engelsk, den 22. juni 2017.