Lindås kommune

For andre tydingar av oppslagsordet, sjå namnet Lindås.

Lindås kommune
kommune
Kommunevåpen
Land	Noreg
Fylke	Hordaland
Adm.senter	Knarvik
Areal	476 km²
•  land	458 km²
•  vatn	18 km²
Målform	nynorsk
Ordførar	Astrid Aa. Byrknes (KrF)
Kommunenr.	1263
Lindås kommune 60.624722222222°N 5.3283333333333°E / 60.624722222222; 5.3283333333333
Kart som viser Lindås kommune. Kart som viser Lindås kommune.
Wikimedia Commons: Lindås (former municipality)
Nettstad: www.lindas.kommune.no

Lindås er ein tidlegare norsk kommune i Nordhordland i gamle Hordaland fylke. Lindås vart eigen heradskommune frå 1838 i samsvar med formannskapslovene av 1837. Kommunen grensa etter 1964 mot Masfjorden og Modalen i nord og mot Austrheim og Radøy i vest. Andre nabokommunar var det ikkje landgrense mot, men over fjordar eller tronge sund var Lindås omgjeven av kommunane Gulen i nord, Vaksdal og Osterøy i aust, Bergen i sør, og Meland i vest. 1. januar vart Lindås slått saman med Radøy og Meland til Alver kommune.

Lokalaviser

Lokalaviser som dekkjer kommunen er Strilen og Nordhordland. Regionavisane Bergens Tidende og Bergensavisen har noko stoff frå kommunen.

Kultur

Lyngheisenteret på Lygra er eit kulturlandskapsmuseum for Nordhordland og lyngheiområdet langs kysten av Vestlandet. Senteret er etablert som eit resultat av Lindåsprosjektets arbeid i 1970-åra då lyngheikulturen blei dokumentert.

Tusenårsstad

Kommunen sin tusenårsstad er Kongshaugen på Seim, som også vert kalla Håkonshaugen.

Politikk

I perioden 2015-2019 var Astrid Aarhus Byrknes ordførar i Lindås kommune. Ho representerer Kristeleg Folkeparti. Varaordførar var Nina Bognøy frå Arbeiderpartiet. Tredje største parti i Lindås kommune var Framstegspartiet, leia av Bjarte Vatnøy. Dei minste partia i Lindås kommune var Rødt, MDG og Sosialistisk Venstreparti.

Idrett og aktivitet

Lindås Idrettsråd (LIR) sin primære oppgåve er å vere bindeledd mellom idretten og kommunen, og arbeide for best moglege vilkår for idretten i Lindås kommune. Rådet er eit felles organ for all idrett organisert i Norges idrettsforbund og olympiske og paralympiske komité (NIF), og idrettslag med medlemskap i NIF blir automatisk medlem i LIR. LIR blei oppretta i 1996, og har hausten 2012 over 3000 aktive medlemar i 16 medlemslag med over 20 særidrettar. Rådet har eit styre med 6 medlemar, vedtekter godkjent av NIF, og ein handlingsplan med mål og tiltak. Arbeidsoppgåver i seinare tid har i hovudsak vore:

• fordeling av lokale aktivitetsmidler (LAM)
• uttaling til kommunen på vegner av idrettslaga om prioriteringar av aktivitetar, anlegg og kulturmidlar
• dokumentasjon/àjourhald av anleggsoversikter
• utdeling av idrettsstipend
• delta i utvikling av idrettspolitiske handlingsplanar

Idrettslag: IL Alvidra - Eikanger Idrettslag - FIL AKS-77 - Knarvik IL - Lindås Idrettslag - Nordhordland Ballklubb (NBK) - Seim IL - Seim Sportsskytterlag - Nordhordland Skiklubb - Nordhordland Dykkerklubb - Nordhordland Skeiseklubb - Nordhordland Karateklubb - Nordhordland Hestesportklubb - Holy Riders MC Racing - Nordhordland Sykkelklubb - Nordhordland Flyklubb

IL Alvidra, Knarvik IL og Seim IL har inngått samarbeid om friidrett i FIL AKS-77. AKS-77 har sidan 1983 arrangert Knarvikmila. NBK har eit samarbeid innan fotball i høgare årsklassar mellom Alvidra, Knarvik og Seim, medan dei lokale idrettslaga har eigne lag i yngre årsklassar.

Lindås Skytterlag, fotballgruppa, handballgruppa og trimkarusellen er noko av idretten i nordre del av kommunen.

Lindås IL har planer om å byggje både svømmebasseng, bowlinghall, garderober, tribuner og kunstgress på grusbanen sin. Både Nordhordlandshallen i Knarvik og den nye flotte Lindåshallen er praktbygg som heile kommunen har stor glede og nytte av.

Kjende personar frå Lindås

• Olav Hodne, misjonsprest Dr. theol for Den norske Santalmisjon
• Ivar Medaas, visesongar, musikar, revyskodespelar
• Aslaug Låstad Lygre, lyrikar
• Erlend Sellevold, musikar i Ralph Myerz And The Jack Herren Band

Bakgrunnsstoff

• Lindås kommune