Lista fyrstasjon

Lista fyrstasjon

Lista fyr i solnedgang. Foto: Rolf Steinar Bergli
Fylke	Agder
Kommune	Farsund
Funksjon	Kystfyr
Oppretta	1836
Koordinatar	58°06.5569′N 6°34.0153′E
Fyrtårn
Høgd	34,0
Form	Fyrbygning med tårn
Byggjemateriale	Hogd granitt
Fyrlys
Lyskarakter	Lysglimt vart 4. sek.
Lyshøgd	39,5 moh.
Status
Eigar	Staten
Automatisert	2003
Avfolka	2003
Vernestatus	Freda etter lov om kulturminne
Lista fyrstasjon 58.109302°N 6.567271°E / 58.109302; 6.567271

Lista fyrstasjon er eit fyr som ligg på Ytre Listalandet i Farsund kommune i Agder. Fyret bestod tidlegare av tre fyrtårn, men i dag står berre eitt att. Det første fyret vart tent i 1836.

Plasseringa til Lista fyrstasjon

Fyrtårnet er bygd i hogd granitt og er frå 1833 og er 34 meter høgt. Det hurtigblinkande linseapparatet er framleis i drift. Frå 1853 til 1874 stod det tre fyrtårn av denne typen på stasjonen. Dette var fordi det var nødvendig for å skilje Lista frå andre fyr. Stasjonen omfattar maskinhus, bustader med tilhøyrande uthusfunksjonar, uthus, tuft etter smie, veg til landing, samt naust. Fyrstasjonen har ein vêrstasjon og kystmeldingsteneste i tillegg til fyrdrifta. Området er avsett til landbruks-, natur-, og friluftsformål i kommuneplanen for Farsund.

Fyrstasjonen er et karakteristisk landemerke i det flate, særeigne og rike kulturlandskapet på Lista. Fyrtårnet er det einaste høge steintårnet i regionen og sjeldan i norsk fyrhistorisk samanheng. Fyrmeisterbustaden med uthus er av dei få bygningane ved fyrstasjonane her i landet frå byrjinga av 1800-talet, og har derfor høg aldersverdi. Linseapparatet har fyrteknisk verdi.

Lista fyrstasjon har miljøskapande verdi slik det ligg samla og avgrensa av steingjerde i det opne landskapet. Fyrstasjonen er viktig langs Listakysten, som er den største skipskyrkjegarden i landet. Eitt av dei tre tårna vart flytta og gjenreist som Halten fyr i Sør-Trøndelag.

Klima

Vêrstasjonen på Lista fyr har vore i drift sidan juli 1919 og har synopnummer 1427. Stasjonen ligg 14 meter over havet.

	Jan	Feb	Mar	Apr	Mai	Jun	Jul	Aug	Sep	Okt	Nov	Des	År
Temperatur (°C)	1,0	0,5	2,2	4,9	9,2	12,4	13,9	14,6	12,2	9,4	5,5	2,7	7,4
Nedbør (mm)	94	61	74	58	72	67	78	107	134	151	150	101	1147

Sjå òg

• Fyr i Noreg
• Fyrstasjonar i drift i Noreg

Kjelder

• Denne artikkelen bygger på «Lista fyrstasjon» frå Wikipedia på bokmål, den 7. oktober 2008.

Andre kjelder

• «Norsk fyrliste 2008» (PDF). Kystverket. 
• «Lyngør fyrstasjon». Norsk Fyrhistorisk Forening. 

Bakgrunnsstoff

• Lista fyr
• Lista fyrstasjon i kulturminnesok.no, nettstaden til Riksantikvaren