Marta Domínguez

Frå Wikipedia – det frie oppslagsverket
Hopp til navigering Hopp til søk
Marta Domínguez
Marta Dominguez portrait.jpg
Fødd 3. november 1975
Palencia
Yrke politikar, friidrettsutøvar
Marta Domínguez på Commons

Marta Domínguez Azpleta (fødd 3. november 1975) er ein spansk friidrettsutøvar frå Palencia. Ho vart verdsmeister på 3000 meter hinder i 2009, og har vunne to EM-gull på 5000 m, samt ein EM-tittel i terrengløp. I perioden 1998-2010 sikra ho seg tre VM-medaljar og fire EM-medaljar på bane på distansane 5000 m og 3000 m hinder. Sidan 2011 har Domínguez også vore medlem av det spanske overhuset for Partido Popular.


Idrett[endre | endre wikiteksten]

Domínguez tok steget opp i europatoppen på langdistansane under EM i friidrett 1998 i Budapest, der ho vann bronsemedaljen. Etter VM-sølv på same distansen i 2001, lukkast ho året etter å vinne ein jamn spurt om EM-tittelen. Irske Sonia O’Sullivan måtte sjå slått med eitt tidels sekund. I 2003 tok Domínguez eit nytt VM-sølv på 5000 m, hårfint framom kenyanske Edith Masai og russiske Jelena Sadorosjnaja. Tirunesh Dibaba frå Etiopia vann løpet, eit halvt sekund føre Domínguez.

I friidretts-EM i 2006 forsvarte Domínguez EM-gullet på 5000 m då ho spurtvann over Lilija Sjobukhova frå Russland. I same meisterskapen gjorde ho sitt snøggaste milløp nokon gong, men vart likevel berre nummer sju. Den etterfylgjande våren vart ho verdsmeister i terrengløp over 8 km.

Frå 2008-sesongen gjekk Domínguez over til å satse på 3000 m hinder. Det gav gevinst i 2009, då ho vann gullmedaljen under verdsmeisterskapen i Berlin, eitt sekund føre Julija Sarudneva. Dei same to utøvarane kjempa også fremst då EM-gullet på hinder skulle få sin eigar i 2010, men då var Sarudneva sterkast i spurten.

Medaljar og plasseringar i internasjonale meisterskap[endre | endre wikiteksten]

Marta Domínguez spring inn til EM-siger i terrengløp i 2007

Personlege rekordar[endre | endre wikiteksten]

  • 1500 m: 4.04,2 (2010, Barcelona)
  • 3000 m: 8.28,8 (2000, Zürich)
  • 5000 m: 14.48,3 (2003, Paris)
  • 10000 m: 30.51,6 (2006, Göteborg)
  • 3000 m hinder: 9.07,3 (2009, Berlin)

Tidene på 3000 m, 10000 m og 3000 m hinder er spanske rekordar i 2015.

Politikk[endre | endre wikiteksten]

I desember 2011 vart Domínguez vald til medlem av det spanske overhuset, der ho representerer det høgreorienterte partiet Partido Popular.

Kjelder[endre | endre wikiteksten]