Orlando Peçanha
 | |||
| Fødd | 20. september 1935 | ||
|---|---|---|---|
| Fødestad | Niterói | ||
| Død | 10. februar 2010 | ||
| Dødsstad | Rio de Janeiro | ||
Orlando Peçanha de Carvalho (20. september 1935–10. februar 2010), til vanleg berre Orlando, var ein brasiliansk fotballspelar som vart verdsmeister for Brasil i 1958. Han spelte 30 landskampar for Brasil, og vann elles klubbtriumfar med Boca Juniors og Santos FC.
Landslagsspel[endre | endre wikiteksten]
Midtstopparen Orlando debuterte på det brasilianske landslaget i 1958. Han var med mellom dei 11 utvalde som 29. juni 1958 syrgde for at Brasil vann sin fyrste VM-tittel i fotball då det var 5-2-siger på Råsunda stadion i Stockholm,over vertsnasjonen Sverige. Orlando fekk ikkje plass i VM-troppen 1962, ettersom han då ikkje spelte for eit brasiliansk klubblag. Han deltok i dei to fyrste VM-kampane under meisterskapen i England i 1966, 1-3-tapet mot Ungarn vart hans 30. og siste i den gule landslagstrøya, utan å ha skåra eit einaste mål.
Klubbspel[endre | endre wikiteksten]
Orlando spelte for Sao Paulo-klubben Vasco da Gama frå 1953 til -60. Han reiste til Argentina og spelte for Boca Juniors i tida 1961-65, der han var med på å verte seriemeister to gongar. I 1965 fór han tilbake til heimlandet og spelte for Santos fram til 1969. Her vart han klubbkamerat med legendariske Pelé og dei lukkast verte seriemeister allereie i 1965. Etter ei kort tid i Vasco da Gama la Orlando opp i 1970.
Merittar[endre | endre wikiteksten]
- Verdsmeister for Brasil 1958
- Argentisk seriemeister med Boca Juniors i 1962 og 1964
- Brasiliansk meister i 1965 med Santos FC
Kjelder[endre | endre wikiteksten]
- Denne artikkelen bygger på «Orlando Peçanha de Carvalho» frå Wikipedia på engelsk, den 29. juni 2014.
 | ||
