Rummanah

Rummanah
رمّانه, Rummaneh, Rumana
kommune
Namneopphav: ‘Granateple’
Land	Dei palestinske territoria
Guvernement	Jenin guvernement
Koordinatar	32°31′26″N 35°12′18″E
Folketal	3 372  (2006)
Rummanah 32.523888888889°N 35.205°E / 32.523888888889; 35.205
Kart som viser Rummanah. Kart som viser Rummanah.
Wikimedia Commons: Rummanah

Rummanah (arabisk رمّانه) er ein palestinsk landsby som ligg 17 km nordvest for byen Jenin nord på Vestbreidda. I følgje Palestinsk statistisk sentralbyrå (PCBS) hadde byen eit folketal på 3 372 innbyggjarar i 2006.

Historie

I 1596 stod Rumana oppført i osmanske skattelister som ein del av Sara nahiya i Lajjun liwa. Han hadde eit folketal på 12 hushaldningar, alle muslimar. Landsbybuarane betalte skatt for kveite, bygg, sommaravlingar, oliventre, tilfeldige inntekter, geiter og bikubar.

Den franske oppdagaren Victor Guérin vitja landsbyen i 1863, og skildra han som redusert til «tjue falleferdige bygningar». Han såg ikkje spor etter noko gammalt, utanom nokre få cisterner i klippene og ein fungerande brunn.

I 1882 i «Survey of Western Palestina» vart landsbyen (kalla Rummaneh) skildra som:

Ein liten landsby i leire og stein, nær foten av åsane, med brunnar i vest og oliven nedanfør. Denne landsbyen verkar å marker staden Maximianopolis, ein by 20 romerske mil frå Cæsarea og 10 mil frå Jezreel (Zer'in), oldtidsnamnet på Maximianopolis var, i følgje Jerome, «Hadad Rimmon».

I ei folketeljing i 1922 utført av Dei britiske mandatstyresmaktene hadde Rumaneh eit folketal på 548, alle muslimar, medan han i folketeljinga i 1931 hadde 151 busette hus og 644 innbyggjarar, framleis alle muslimar. I 1945 var folketalet i Rummana (inkludert Khirbat Salim) 880 medan det samla landarealet var 21 676 mål, i følgje ei offisiell landmåling. Av dette var 2 876 mål for plantasjar og irrigert land, 10 507 for korn, medan 27 mål var klassifisert som utbygde område.

Kjelder

• Denne artikkelen bygger på «Rummanah» frå Wikipedia på engelsk, den 25. september 2015.
  • Wikipedia på engelsk oppgav desse kjeldene:
• Conder, Claude Reignier; Kitchener, H. H. (1882). The Survey of Western Palestine: Memoirs of the Topography, Orography, Hydrography, and Archeology 2. London: Committee of the Palestine Exploration Fund. 
• Claudine Dauphin (1998). La Palestine byzantine, Peuplement et Populations, Vol. III : Catalogue. BAR International Series 726. Oxford: Archeopress. 
• Guerin, Victor (1875). Description Géographique, Historique et Archéologique de la Palestine. «Seconde partie -Samarie" ("Tome II»). 
• Hadawi, Sami (1970), Village Statistics of 1945: A Classification of Land and Area ownership in Palestine, Palestinsk frigjeringsorganisasjon forskingssentral 
• Hütteroth, Wolf-Dieter; Abdulfattah, Kamal (1977). Historical Geography of Palestine, Transjordan and South Syria in the Late 16th Century. Erlanger Geographische Arbeiten, Sonderband 5. Erlangen, Tyskland: Vorstand der Fränkischen Geographischen Gesellschaft. 
• E. Mills, red. (1932). Census of Palestine 1931. Population of Villages, Towns and Administrative Areas (PDF). Jerusalem: Government of Palestine. 
• Palmer, E. H. (1881). The Survey of Western Palestine: Arabic and English Name Lists Collected During the Survey by Lieutenants Conder og Kitchener, R. E. Transliterated and Explained by E.H. Palmer. Committee of the Palestine Exploration Fund. 
• Velde van de, Carel Willem Meredith (1854): Narrative of a journey through Syria and Palestina in 1851 and 1852, transl (1854) VOL I.

Bakgrunnsstoff

• Velkomen til Rummana