Sithonía

Sithonía Lokalt namn Σιθωνία
Geografi
Stad	Makedonía
Koordinatar	40°13′N 23°41′E
Areal	514,7 km²
Administrasjon
Land	Hellas
Periferi Periferieining	Sentral-Makedonía Khalkidikí
Hovudsete	Nikíti (2 845 innb.)
Demografi
Folketal	12 080 (2021)
Folketettleik	23,5 /km²

Sithonía (gresk Σιθωνία) er ei halvøy og ein kommune i periferieininga Khalkidikí i periferien Sentral-Makedonía i Hellas. Sithonía ligg sør på den sentrale delen av Khalkidikí, med Kassándrahalvøya i vest og Áthoshalvøya i aust.

Vest for halvøya ligg Singitikóbukta og i aust Toronéobukta. Fjellet Ítamos eller Dragoundélis ligg midt på halvøya. Av stader på Sithonía ligg den antikke byen, slottet og kyrkja Ájos Athanásios i Toróni, vindmøllene i Sykiá og kyrkja frå 1500-talet i Nikíti. Pórto Koufó, er den største og tryggaste av dei naturlege hamnene i Hellas, og vert nemnd av Thoukididis som ei «heilag hamn».

Landskapet er dekt av skog, grassletter og fjell.

Administrativ inndeling

Den tidlegare kommunen Sithonía, no kommunaleininga Sithonía

Kommunen vart danna i 2011 ved at ein slo saman dei tidlegare kommunane

• Sithonía
• Toróni

Dei to tidlegare kommunane er no kommunaleiningar.

Ved folketeljinga i 2021 hadde kommunen Sithonía 12 080 innbyggjarar, medan kommunaleininga med same namn hadde 8 750 innbyggjarar.

Byar og tettstader

Dei største byane og tettstadene i kommunen er:

Tettstad	Kommunaleining	Folketal 2011	Folketal 2021
Néos Marmarás	Sithonía	3 158	2 884
Nikíti	Sithonía	2 711	2 845
Sykiá	Toróni	1 903	1 865
Ájos Nikólaos	Sithonía	1 714	1 735
Sárti	Toróni	1 156	1 054
Metangítsi	Sithonía	802	823
Toróni	Toróni	213	204

Bakgrunnsstoff

• Guide til Sithonía
• Sithonía i Khalkidikí

Kjelde

• Denne artikkelen er basert på ei omsetjing av artikkelen Sithonia frå Engelsk Wikipedia .