Stuart Pearce
 | |||
| Personleg informasjon | |||
|---|---|---|---|
| Fullt namn | Stuart Pearce | ||
| Fødd | 24. april 1962 (64 år) | ||
| Fødestad | Shepherd's Bush i England | ||
| Høgd | 178 cm | ||
| Posisjon | Forsvarsspelar | ||
| Seniorkarriere* | |||
| År | Lag | Kampar | (Mål) |
| 1978–1983 | Wealdstone FC | 176 | (10) |
| 1983–1985 | Coventry City | 52 | (4) |
| 1985–1997 | Nottingham Forest | 401 | (63) |
| 1997–1999 | Newcastle United | 37 | (0) |
| 1999–2001 | West Ham | 42 | (4) |
| 2001–2002 | Manchester City | 38 | (3) |
| 2003 | Longford | 1 | |
| Totalt | 747 | (82) | |
| Landslag | |||
| 1987–1999 | England | 78 | (5) |
| 2005–2007 | Manchester City | ||
| 2014–2015 | Nottingham Forest | ||
| * Seniorklubbkampar og mål berre telt for nasjonal liga | |||
Stuart Pearce (fødd 24. april 1962) er ein britisk-engelsk tidlegare fotballspelar og -trenar frå Vest-London, aktiv spelar i tida frå 1978 til 2002. Han er særleg kjend for sine tolv år i Nottingham Forest, der han lenge var lagkaptein. Pearce var ein tøff og kontant forsvarsspelar, både back og midtstoppar. Han spelte 78 landskampar for England mellom 1987 og 1999.
Spelar
[endre | endre wikiteksten]Klubbspel
[endre | endre wikiteksten]Pearce byrja spele for Coventry City i 1983. I 1985 vart han overført til Nottingham Forest. Fram til 1997 spelte spelte han over 400 kampar og skåra 63 mål for klubben. I 1989 og 1990 var han med å vinne ligacupen for Nottingham Forest. Etter ein siste sesong som spelande trenar i Nottingham Forest, var han innom klubblag som Newcastle United, West Ham United og Manchester City.
Landslagsspel
[endre | endre wikiteksten]Pearce debuterte på det engelske landslaget mot Brasil i mai 1987. Fram til september 1999 spelte han i alt 78 kampar og skåra 5-fem landslagsmål. Under VM i fotball 1990 deltok han i dei seks fyrste Englands-kampane, men ikkje i bronsefinalen mot vertslandet Italia. Både under EM i fotball 1992 i Sverige og EM i fotball 1996 på heimebane var han fast høgreback på Englands lag. Han var kaptein i 9 landskampar, mellom anna då England og Noreg spelte uavgjort på Wembley stadion i London den 14. oktober 1992. Kjetil Rekdal utlikna då til sluttresultatet 1-1 med eit fabelaktig langskot i det 77. minutt.
Merittar
[endre | endre wikiteksten]- Vinnar av den engelske ligacupen: 1989 og 1990 med Nottingham Forest
- Finalist i FA-cupen: 1991 med Nottingham Forest og 1998 med Newcastle United
- Tredjeplass i den engelske ligaen: 1988, 1989 og 1995 med Nottingham Forest
Trenar
[endre | endre wikiteksten]Pearce har mellom anna vore lagsjef for Manchester City, England U-21 og Nottingham Forest.
Kjelder
[endre | endre wikiteksten]- eu-football
- Denne artikkelen bygger på «Stuart Pearce» frå Wikipedia på engelsk, den 9. juli 2024.
 | ||
a Beasant erstatta Seaman etter England sin fyrste kamp | ||
| ||
| ||