Asad Jammu og Kashmir

Frå Wikipedia – det frie oppslagsverket
Gå til: navigering, søk
engelsk Azad Jammu and Kashmir

urdu آزاد جموں و کشمیر

Plassering
Plassering av  engelsk Azad Jammu and Kashmir urdu آزاد جموں و کشمیر
Styresmakter
Hovudstad Muzaffarabad
President
Statsminister
Raja Zulqarnain Khan
Raja Farooq Haider Khan
Geografi
Flatevidd
13 297 km²
Innbyggjarar
 - Totalt (est. 2008)
   - folketettleik

4 567 982
  343,5 /km²
Annan informasjon
Nettstad: www.ajk.gov.pk

Asad Jammu og Kashmir (AJK) er ein stat i Pakistan, i den sørlege delen av pakistansk Kashmir, danna av den vestlege delen av den tidlegare fyrstestaten Kashmir. Staten har grense mot indisk Kashmir i aust og mot dei pakistanske provinsane Panjab i sør, Den nordvestlege grenseprovinsen i vest og Gilgit-Baltistan, også ein tidlegare del av Kashmir, i nord.

Staten har rundt fire millionar innbyggjarar og dekker 13 297 km². Hovudstaden er Muzaffarabad. Den største byen er Mirpur. Urdu og engelsk er offisielle språk. Ellers snakkar ein hindko, mirpuri, pahari, gojri, panjabi og pasjto.

Historie[endre | endre wikiteksten]

Ved Delinga av Britisk India fekk dei sjølvstyrande fyrstestatane høve til å velja kva land dei ville bli del av. Maharadja Hari Singh av Jammu og Kashmir utsette valet og prøvde å halda staten sjølvstendig. Dette gjekk ikkje i lengda. I oktober 1947 gjekk stammekrigere frå Den nordvestlege grenseprovinsen og stammeområda i Pakistan til åtak på fyrstestaten. Maharadjaen fekk indisk hjelp mot invasjonen ved å gå med på å bli indisk delstat. Indiske og pakistanske styrker slost mot kvarandre og etablerte ei grense kjend som Line of Control. I 1949 gjekk landa gjekk med på ein våpenkvileavtale. Deretter delte Pakistan sin del av Kashmir inn i Dei nordlege områda (seinare Gilgit-Baltistan) og Asad Jammu og Kashmir.

I oktober 2005 blei Asad Jammu og Kashmir ramma av eit jordskjelv som målte 7,6 på Richters skala. Skjelvet hadde episenter nær Muzaffarabad, der rundt halvparten av bygningane fall saman. Rundt 30 000 menneske blei drepne i staten.

Kjelder[endre | endre wikiteksten]

Spire Denne geografiartikkelen som har med Pakistan å gjere er ei spire. Du kan hjelpe Nynorsk Wikipedia gjennom å utvide han.