Dei føderalt styrte stammeområda

Frå Wikipedia – det frie oppslagsverket
Gå til: navigering, søk
Federally Administered Tribal Areas

وفاقی قبائلی علاقہ جات

Plassering
Plassering av  Federally Administered Tribal Areas  وفاقی قبائلی علاقہ جات
Styresmakter
Hovudstad Miranshah
Guvernør Owais Ahmed Ghani
Geografi
Flatevidd
27 220 km²
Annan informasjon
Nettstad: www.fata.gov.pk
Kart over Dei føderalt styrte stammeområda.

Dei føderalt styrte stammeområda i Pakistan (eng. Federally Administered Tribal Areas, FATA) er eit område nordvest i landet som blir styrt av sentralregjeringa. Det grensar til Afghanistan i vest, Balutsjistan i sør og Den nordvestlege grenseprovinsen i aust og nord.

Stammeområdar har ikkje noka eiga provinsregjering, men er styrt av guvernøren i Den nordvestlege grenseprovinsen, som er utnemnd som representant for den pakistanske presidenten. Området har representantar i det pakistanske parlamentet og senatet, men lovane som blir laga gjeld ikkje for det.

Områda er delt inn i sju sjølvstyrte distrikt (agencies), som blir styrt av ein «politisk agent», og seks grenseregionar (Frontier Regions, FR), som blir styrte frå dei distrikta dei er knytte til i Den nordvestlege grenseprovinsen.

Ulike estimat plasserer innbyggjartalet i områda til rundt 3 341 070 (2000) eller 5 600 000 (2001). Dei utgjer rundt 2 % av pakistanarar. Berre 3,1 % av innbyggjarane i stammeområda bur i byar. Dette gjer dei til den minst urbaniserte delen av Pakistan.

Durand-linja markerer grensa mellom dei pakistanske stammeområda og Afghanistan. Sidan 2001 har Taliban og al-Qaida vore til stades i området. Den pakistanske hæren har gått inn i stammeområda Waziristan fleire gonger.

Underinndelingar[endre | endre wikiteksten]

Frå sør til nord finn ein desse distrikta i stammeområda:

  1. Bajaur-distriktet
  2. Mohmand-distriktet
  3. Khyber-distriktet
  4. Orakzai-distriktet
  5. Kurram-distriktet
  6. Nord-Waziristan-distriktet
  7. Sør-Waziristan-distriktet

Grenseområda (frontier regions) ligg vest for distrikta og er frå nord til sør:

  1. FR Peshawar
  2. FR Kohat
  3. FR Tank
  4. FR Banuu
  5. FR Lakki
  6. FR Dera Ismail Khan

Byar[endre | endre wikiteksten]

Kjelder[endre | endre wikiteksten]