Hardangerbrua
| Hardangerbrua | |
 |
|
| Offisielt namn | Hardangerbrua |
|---|---|
| Transporterer | Biltrafikk |
| Kryssar | Eidfjorden |
| Stad | Hardanger |
Hardangerbrua er ei bru som – når ho står ferdig – skal erstatta dagens ferjesamband over Eidfjorden mellom Bruravik og Brimnes i Hardanger. Etter planen skal brua opnast 13 juni 2013.
Brua vil i fylgje planane verta kring 1 380 meter lang, og vert med det ei av dei lengste hengjebruene i verda. Mellom anna vil brua verta lengre enn Golden Gate Bridge i San Francisco i USA. Brutårna får ei høgd på kring 186 meter, medan seglingshøgda vert 55 meter.
Totalt vil brua kosta i overkant av 1,8 milliardar 2005-kroner, noko som skal finansierast gjennom både bompengar, fylkeskommunale tilskot, innsparte ferjetilskot og ordinære statlege midlar.
Hardangerbrua vart i 1996 røysta ned av Stortinget, men i løpet av åra fram til den nye avrøystinga har opposisjonen endra standpunkt i saka, og bruprosjektet vart vedteke den 28. februar 2006 med 79 mot 24 røyster. Arbeidet med prosjektet starta 26. februar 2009.
[endre] For og mot brua
Tilhengjarar av brua har argumentert for at brua vil letta køyring både innetter i Hardanger og mellom Austlandet og Vestlandet. Aust-vest vil brua føra til utbetring av riksveg 7 over Hardangervidda og nord-sør av riksveg 9 og riksveg 13. Motstandarar av brua har drege fram at auka trafikk over Hardangervidda vil føra til vanskar for villreinstamma der. Ei bru vil føra til endring av fjordlandskapet, og ein vil ikkje kunna gå under brua med høge cruiseskip. Mange turistar kjem til området for å sjå det særmerkte landskapet.
[endre] Bakgrunnsstoff
- Brujubel i vestlandsver, frå Hardanger Folkeblad – 28. februar 2006
- Hardangerbrua ferdig i 2011 Bergens Tidende
- «Bru over Hardangerfjorden vedtatt», frå VG – 28. februar 2006
- www.hardangerbrua.no
- Motstanden mot Hardangerbrua framleis stor www.naturvern.no
- St.prp. nr. 2 (2005-2006) Om utbygging og finansiering av rv 7/rv 13 Hardangerbrua i Hordaland
