Horten kommune

Horten kommune
Komm.nr.	0701
Fylke	Vestfold
Adm.senter	Horten
Areal	69 km²
Folkemengd	26 299 (1. jan 2012)
Politikk
Ordførar (2013)	Børre Jacobsen (H)
Målform	Bokmål
Nettstad	www.horten.kommune.no
Folketalsutvikling 1951-2010
Horten kommune på Commons

Horten er ein bykommune ved vestfoldskysten som ligg mellom Holmestrand i nord, og Tønsberg i sør.

Geografi

Kommunen har rundt 40 km kystline mot Oslofjorden, med kyststi og fleire store friområde. Han inkluderer tettstadane Horten, Borre, Nykirke, Åsgårdstrand og Skoppum.

Kommunane Borre og Åsgårdstrand blei slått saman i 1965. Borre og Horten kommunar blei slått saman i 1988. Fram til 1. juni 2002 heitte kommunen Borre.

Historie

Det er funne spor i kommunen etter busetjingar heilt tilbake til steinalderen. Borrehaugane ber vitne om at kommunen var eit maktsenter i vikingtida.

Frå 1582 var Horten ferjestad mellom Horten og Moss.

Byvåpenet til Horten var det fyrste byvåpenet kong Håkon VII godkjente. Det skjedde i 1907.

Kultur

Utdanning

Høgskolen i Vestfold ligg på Bakkenteigen, midtvegs mellom Åsgårdstrand og Horten by. Høgskolen har eit tett samarbeid med fleire av elektronikkbedriftene i kommunen, og med Befalsskulen for Sjøforsvaret som ligg i Horten by.

Kyrkjer

Det finst fleire kyrkjer i kommunen, mellom anna Løvøykapellet frå mellomalderen og Horten kyrkje.

Idrett

Fotballklubbane Ørn-Horten og Falk kjem frå Horten.

Kjende hortensarar

• Francis Hagerup (1853-1921), politikar og statsminister
• Astrid Tollefsen (1897-1973), diktar
• Astrid Hjertenæs Andersen (1915-1985), diktar
• Vidar Lønn Arnesen, programleiar
• Kurt Aust, opphavleg dansk forfattar
• Per Bredesen, norsk fotballspelar
• Grete Kausland, skodespelar og songar
• Jørgen Kosmo, politikar og stortingspresident
• Rolv Wesenlund, skodespelar og moromann

Kjelder

• Tilsvarande artikkel på bokmålswikipedia

Fotnotar

Denne geografiartikkelen er ei spire. Du kan hjelpe Nynorsk Wikipedia gjennom å utvide han.