Joe Hart

Joe Hart

Personleg informasjon
Namn	Charles Joseph John Hart
Fødselsdato	19. april 1987
Fødestad	Shrewsbury i England
Høgd	196 cm
Posisjon	GoalKeeper
Klubbinformasjon
Spelar for	Manchester City
Draktnummer	25
Ungdomsklubb
	Shrewsbury
Klubbar*
År	Klubb	Kampar (mål)
2003-2006 2006- 2007 2007 2009-10	Shrewsbury Manchester City Tranmere (lån) Blackpool (lån) Birmingham (lån)	54 (0) 54 (0) 6 (0) 5 (0) 36 (0)
Landslag**
2007-09 2008-	England U21 England	21 (0) 6 (0)
* Klubbkampar og mål i nasjonal liga   er sist oppdatert 11. september 2010. ** Landskampar og mål er sist oppdatert 7. september 2010.

Charles Joseph John Hart (fødd 19. april 1987) er ein engelsk fotballspelar, som spelar som keeper for Manchester City i engelsk Premier League. Han har òg landskampar for England.

Hart begynte karrieren sin i dei lågare divisjonane, hjå Shrewsbury Town. Han var den faste keeperen deira i 2005/06-sesongen i League Two, fjerde høgste nivå. I 2006 gjekk han til Manchester City, og fekk éin kamp for klubben den sesongen, men vart i periodar lånt ut til Tranmere Rovers og Blackpool i League One (tredje nivå). I 2007/08- og 2008/09-sesongen var han den mest brukte keeperen til Manchester City, men i 2009/10-sesongen vart han lånt ut heile sesongen til Birmingham City, der han var førstekeeper. På starten av 2010/11-sesongen var han tilbake som førsteval i mål hjå Manchester City.

Hart debuterte for England sitt A-landslag 1. juni 2008, som innbytar i pausen i ein privatlandskamp mot Trinidad og Tobago. Han var med i England sin tropp til fotball-VM i 2010, men var der den av dei tre keeperane som ikkje fekk spela nokon kampar. Han spelte sin første landskamp i ei turnering 3. september 2010, ein EM-kvalifiseringskamp heime mot Bulgaria.