Odd Arvid Strømstad
| Odd Arvid Strømstad | |
 | |
| Statsborgarskap | Noreg |
| Fødd | 27. juli 1952 (71 år) Evje |
| Yrke | fjernsynsprodusent |
| Ektefelle | Nina Owing |
Odd Arvid Strømstad (fødd 27. juli 1952 i Evje) er direktør i TV-produksjonsselskapet Warner Bros. Norge. Han starta selskapet Dinamo Live (i 1999) som seinare vart kjøpt opp av Dinamo Story AS, og deretter Warner Bros. International. Strømstad jobba i NRK i over 20 år, dei siste åra som prosjektleiar og prosjektsjef. Strømstad utvikla og produserte ei lang rekkje TV-program for NRK. Han er utdanna i NRK og har kjernekompetansen sin som TV-produsent av store hendingar.
Karriere[endre | endre wikiteksten]
Strømstad har m.a. vore ansvarleg for Nobels Fredspriskonsert (20 år), Spellemannprisen (8 år i NRK og 6 år for TV2), revitaliseringa av Melodi Grand Prix, Landeplage og Football for Africa. Han produserte dagleg det 3 timar lange Vindu mot Lillehammer under Vinter-OL 1994 og Eurosong (Eurovision Song Contest) til heile Europa i 1996.
Han kom i Guinness rekordbok med konserten til Katie Melua på Trollfeltet – 303 m under havet - den djupastliggjande konserten nokonsinne. Han er ansvarleg for over 200 musikkprogram for NRK, t.d. spesialprogram med Paul McCartney, Elton John, David Bowie, Pink Floyd, Whitney Houston, A-ha og Ole Paus. Han produserte konserten til A-ha i Frognerparken og webcasten / dvd-en deira, Homecoming. Denne var, saman med Madonna, den mest vellukka webcasten målt i nett-treff til då.
Strømstad har motteke 3 Amandaprisar og 2 Gullruter.
Han er gift med NRK-journalisten Nina Owing og har tre born.
Kjelder[endre | endre wikiteksten]
- Denne artikkelen byggjer på «Odd Arvid Strømstad» frå Wikipedia på bokmål, den 17. november 2009.