Katie Melua

Katie Melua

Ketevan «Katie» Melua (georgisk ქეთი მელუა) (fødd 16. september 1984) er ein britisk-georgisk songar og musikar. Sidan ho var 9 år har ho budd i Nord-Irland og seinare England.

Det første albumet hennar, Call Off the Search, vart lansert i november 2003, og det andre, Piece by Piece, kom ut i september 2005. Begge vart svært godt mottekne.

Tidleg liv

Ketevan Melua vart fødd i Kutaisi, Georgia i 1984 og budde som unge i byen Batumi i Adsjaria der far hennar arbeidde som hjartespesialist. I 1993 flytta familien til Belfast i Nord-Irland, der faren fekk ei stilling ved det velsedde sjukehuset Royal Victoria Hospital, og Ketevan gjekk på St. Catherine's Primary School og katolske Dominican College i Fortwilliam.

Familien flytta til det sørvestlege London i 1998. Som femtenåring vann Melua ein talentkonkurranse i den britiske fjernsynskanalen ITV med å synge Badfinger-songen «Without You». Ho studerte seinare utøvande kunst på BRIT School i Croydon, der ho fekk A-karakterar i musikk. Melua tok til å skrive songar i 2001 medan ho framleis gjekk på gymnaset. Her vart ho oppdaga av produsenten og låtskrivaren Mike Batt.

Diskografi

• Call Off the Search (2003)
• Piece by Piece (2005)

Bakgrunnsstoff

Commons har multimedia som gjeld: Katie Melua

• Offisiell side
• Katie Melua All Music Guide page
• Katie Melua interview
• Singer Melua made British citizen - BBC