Ragunda kommun
| Ragunda kommun | |
 Kommunevåpenet til Ragunda kommun |
|
| Len | Jämtlands län |
| Landskap | Jämtland |
| Centralort | Hammarstrand |
| Areal | 2 650 km² |
| – Landareal | 2 526 km² |
| – Vassareal | 124 km² |
| Folketal | 5 681 |
| Folketettleik | 2,2/km² |
| Kommunenummer | 2303 |
| Nettside | www.ragunda.se |
| Kart | |
|---|---|
 |
|
Ragunda kommun er ein kommune i Jämtlands län i Sverige. Kommunen grensar til tre andre kommunar i Jämtlands län. Desse er Strömsunds kommun i nord, Bräcke kommun i sør og Östersunds kommun i vest. Vidare grensar han til Sollefteå kommun i aust og Sundsvalls kommun i søraust, begge i Västernorrlands län. Administrasjonssenteret i kommunen er Hammarstrand.
Landskapet er prega av kollar (av granitt og gneis) som fell bratt ned mot låglandet omkring. I låglandet er det mykje skog og myrmark. Indalsälven har fleire store fossar i løpet sitt gjennom kommunen, som Hammarforsen, som oppstod i 1796 då elva tok nytt far under vårflaumen og tømde den store Ragundasjön. Indalsälven og sideelva Ammerån har grave seg djupt ned og danna ravinar i sedimenta.
Kommunen har hatt ein jamn nedgang i folketalet sidan 1960-åra, og folkesetnaden er i gjennomsnitt eldre enn i landet som heilskap. Det er mykje kraftproduksjon i kommunen, og elles finn ein jord- og skogbruk, samt noko industri, til dømes treforedling.
Innhaldsliste |
Administrativ historikk [endre]
Ved kommunereforma i 1952 vart Borgvattnet innlemma i Stuguns landskommun. Fors og Ragunda landskommunar vart ikkje påverka den gongen.
Neste kommunereform vart gjennomførd i 1974, og då vart den noverande Ragunda kommun oppretta gjennom samanslåing av Fors, Stugun og gamle Ragunda.
Kommunevåpenet [endre]
Blasonering: På sølvfarga bakgrunn, eit blått tre ovanfor fire bølgjer i blått og sølv, samt to raude lynglimt som er vende oppover og går i kross bak treet.[1]
Dette våpenet vart fastsett for Fors landskommun i 1958. Ved samanslåinga vart Ragunda valt som namn, men Fors fekk bruke våpenet, og dette vart registrert for den nye kommunen hjå Patent- och registreringsverket.[2] Også Stuguns landskommun hadde eit vapen, frå 1947, men det vart gjort ugyldig.
Tettstader [endre]
Det er fire tettstader i Ragunda kommun.
Tettstadene i tabellen er ordna etter innbyggjartal per 31. desember 2005. Administrasjonssenteret er utheva.
| Nr. | Tettstad | Folketal |
|---|---|---|
| 1. | Hammarstrand | 1 061 |
| 2. | Stugun | 627 |
| 3. | Västra Bispgården | 523 |
| 4. | Östra Bispgården | 294 |
Kjelder [endre]
- «Ragunda kommun» på Wikipedia på svensk, innhenta 25. april 2010.
- «Ragunda» hjå Store norske leksikon, innhenta 25. april 2010 (lisensiert under CC-BY-SA).
Referansar [endre]
- ↑ «I fält av silver en av vågskura bildad stam, fyra gånger vågskuredelad av blått och silver, samt däröver två framkommande, uppåtriktade röda blixtar i kors, överlagda med en blå tall».
- ↑ Svenska Heraldiska Föreningens vapendatabas.
|
|
||
|---|---|---|
| Berg · Bräcke · Härjedalen · Krokom · Ragunda · Strömsund · Åre · Östersund |  |
|
| Sjå òg: Liste over Sveriges kommunar | ||
