Sandvikens kommun

Frå Wikipedia – det frie oppslagsverket
Sandvikens kommun
kommune
Kommunevåpen
Land  Sverige
Len Gävleborgs län
Landskap Gästrikland
Del av Gästrikland, Q61663270, Q61663219
Centralort Sandviken
Areal 1 165 km²
Folketal 36 879
Folketettleik 31,7 / km²
Kart
Sandvikens kommun
60°37′0″ N 16°46′0″ E
Wikimedia Commons: Sandviken Municipality
Nettstad: www.sandviken.se

Sandvikens kommun er ein kommune i Gävleborgs län i Sverige. Kommunen grensar i Gävleborgs län til Ockelbo kommun i nord, Gävle kommun i aust og Hofors kommun i vest. Han grensar også til Heby kommun i Uppsala län og Sala kommun i Västmanlands län, begge i sør, og Avesta kommun og Falu kommun i Dalarnas län, høvesvis i sørvest og nordvest. Administrasjonssenteret i kommunen er Sandviken.

Sandviken er ein kupert skogskommune der dei sørlege delane er dominerte av Dalälven. Næringslivet er tradisjonelt sterkt knytt til jern- og stålindustrien, og Sandvik AB er det heilt dominerande føretaket i kommunen. Dei seinare åra har det vorte ei noko større breidde i næringslivet, hovudsakleg med tilveksten av IT-føretak.

Administrativ historikk[endre | endre wikiteksten]

I 1916 vart municipalsamhället Storvik innlemma i Ovansjö kommun. Dette braut ut i 1924, slik at Storviks köping vart oppretta. Tre år seinare braut eit område ut av Högbo kommun for å opprette Sandvikens köping. I 1943 vart Sandviken by, då begge delane av Högbo vart sameinte att sidan Högbo landskommun vart innlemma. Ved kommunereforma i 1952 vart det ikkje gjort nokon smanslåingar i området. I 1971 vart Sandvikens kommun oppretta då byen, Storviks köping og landskommunane Järbo, Ovansjö, Årsunda og Österfärnebo vart slegne saman. Byen Sandviken fekk då ei ny rolle som administrasjonsstad i den nye kommunen.

Kommunevåpenet[endre | endre wikiteksten]

Blasonering: På blå bakgrunn, ein damphammar og jernmerke på kvar side av han, alt i sølv.[1]

Damphammaren i våpenet til Sandvikens kommun har ein verkeleg kopi, som i dag står utanfor hovudkontoret til Sandvik AB. Våpenet vart fastsett for Sandvikens stad i 1943. Ved kommuneopprettinga i 1971 hadde alle dei tidlegare einingane eigne våpen, utanom köpingen Storvik. Kommunen valde å registrere det tidlegare byvåpenet uforandra i Patent- och registreringsverket i 1975.

Tettstader[endre | endre wikiteksten]

Det er elleve tettstader i Sandvikens kommun.

Tettstadene i tabellen er ordna etter innbyggjartal per 31. desember 2005. Administrasjonssenteret er utheva.

Nr. Tettstad Folketal
1. Sandviken 22 574
2. Storvik 2 251
3. Järbo 1 865
4. Årsunda 1 067
5. Kungsgården 998
6. Åshammar 760
7. Hammarby 550
7. Österfärnebo 550
9. Jäderfors 298
10. Backberg 242
11. Västerberg 238

Kjelder[endre | endre wikiteksten]

Fotnote[endre | endre wikiteksten]

  1. «I blått fält en ånghammare, på vardera sidan åtföjd av ett i ginstammen placerat järnmärke, allt i silver».