Ljusdals kommun

Frå Wikipedia – det frie oppslagsverket
Gå til: navigering, søk
Ljusdals kommun
Ljusdal vapen.svg
Kommunevåpenet til Ljusdals kommun
Len Gävleborgs län
Landskap Hälsingland
Centralort Ljusdal
Areal 5 294 km²
Folketal 19 592
Folketettleik 3,7/km²
Kommunenummer 2161
Nettside www.ljusdal.se
Kart
Ljusdal Municipality in Gävleborg County.png

Ljusdals kommun er ein kommune i Gävleborgs län i Sverige. Kommunen grensar til tre andre kommunar i Gävleborgs län. Desse er Hudiksvalls kommun i aust, Bollnäs kommun i søraust og Ovanåkers kommun i sør. Elles grensar han til Ånge kommun i Västernorrlands län i nord, Orsa kommun og Rättviks kommun i Dalarnas län i sør og Härjedalens kommun i Jämtlands län i vest. Administrasjonssenteret i kommunen er Ljusdal. Dette ligg 50 km vest for Hudiksvall.

Landskapet i kommunen er kupert og ligg på det meste på 400–600 moh. Ein finn store område med skogkledde morener med innslag av myrmark. I dalføra er det ein del dyrka mark. Elva Ljusnan renn gjennom kommunen frå nordvest til søraust. Jord- og skogbruk dominerer, i tillegg til skogbruksindustri og mekanisk industri.

Administrativ historikk[endre | endre wikiteksten]

Ljusdals municipalsamhälle vart innlemma i Ljusdals kommun i 1889. I 1914 braut ein del av kommunen ut og vart Ljusdals köping, medan resten vart ein landskommune. Det vart ikkje gjort nokon samanslåingar under kommunereforma i 1952, men i 1963 vart Ljusdals landskommun og Ljusdals köping slegne saman att. 1. januar 1971 vart Ljusdals kommun oppretta, då köpingen vart slegen saman med landskommunane Färila, Los, Järvsö og Ramsjö.

Kommunevåpenet[endre | endre wikiteksten]

Blasonering: På svart bakgrunn, eit bukkehovud i gull, med horn, tunge og tenner i raudt.[1]

Bukkehovudet representerer bukken i landskapsvåpenet til Hälsingland. Ljusdals köping tok i 1958 i bruk eit vapen som aldri vart fastsett av kongen. Det liknar på det noverande våpenet, men hadde ein bord av gull. Etter kommuneopprettinga i 1971 var det fem våpen å velje mellom. Den namngjevande eininga, Ljusdal, fekk også bidra med våpen til den nye kommunen. Våpenet vart endra gjennom att borden vart teken vekk, og det vart registrert i Patent- och registreringsverket i 1974.

Tettstader[endre | endre wikiteksten]

Det er åtte tettstader i Ljusdals kommun.

Tettstadene i tabellen er ordna etter innbyggjartal per 31. desember 2005. Administrasjonssenteret er utheva.

Nr. Tettstad Folketal
1. Ljusdal 6 100
2. Järvsö 1 385
3. Färila 1 351
4. Tallåsen 608
5. Nore 409
6. Los 403
7. Lillhaga 371
8. Hybo 262

Kjelder[endre | endre wikiteksten]

Fotnote[endre | endre wikiteksten]

  1. «I svart fält ett avslitet bockhuvud av guld med horn, tunga och tänder röda».