Hofors kommun

Hofors kommun
Kommunevåpenet til Hofors kommun
Len	Gävleborgs län
Landskap	Gästrikland
Centralort	Hofors
Areal	410 km²
Folketal	10 042
Folketettleik	25/km²
Kommunenummer	2104
Nettside	www.hofors.se
Kart

Hofors kommun er ein kommune i Gävleborgs län i Sverige. Kommunen grensar til fire kommunar i Dalarnas län, Falu kommun og Säters kommun i nord, Avesta kommun i sør og Hedemora kommun i vest. Administrasjonssenteret i kommunen er Hofors.

Landskapet i kommunen er kupert og skogkledd i vest, medan det er flatare i aust. Det er mange vatn i kommunen. Hofors ligg i Bergslagen, og har ein del malmførekomstar. I kommunen ligg det eit stort og moderne stålverk, samt ein del mekaniske verkstader.

Administrativ historikk

Torsåkers socken vart ein landskommune då kommunalforordningane i Sverige i 1862 tredde i kraft. Denne vart i 1925 delt i to, Hofors og Torsåker. Desse vart slegne saman att til Hofors kommun ved kommunereforma i 1971.

Kommunevåpenet

Blasonering: På gullfarga bakgrunn, ein svart blome med åtte runde kronblad.

Dette våpenet vart fastsett av kongen så seint som 1968 etter det eldre regelverket. I 1974 vart det registrert i Patent- och registreringsverket etter det nye. Kronblada i våpenet skal symbolisere stål, som mellom anna vert brukt til å lage kulelager.

Tettstader

Det er to tettstader i Hofors kommun.

Tettstadene i tabellen er ordna etter innbyggjartal per 31. desember 2005. Administrasjonssenteret er utheva.

Nr.	Tettstad	Folketal
1.	Hofors	7 021
2.	Torsåker	873

Kjelder

• «Hofors kommun» på Wikipedia på svensk.
• «Hofors» på Store Norske Leksikon.