Nordanstigs kommun

Frå Wikipedia – det frie oppslagsverket
Gå til: navigering, søk
Nordanstigs kommun
Nordanstig vapen.svg
Kommunevåpenet til Nordanstigs kommun
Len Gävleborgs län
Landskap Hälsingland
Centralort Bergsjö
Areal 1 399 km²
Folketal 9 872
Folketettleik 7,0/km²
Kommunenummer 2132
Nettside www.nordanstig.se
Kart
Nordanstig Municipality in Gävleborg County.png

Nordanstigs kommun er ein kommune i Gävleborgs län i Sverige som ligg ved Bottenhavet. Kommunen grensar til Ånge kommmun og Sundsvalls kommun i Västernorrlands län i høvesvis nordvest og nord og Hudiksvalls kommun i Gävleborgs län i sør. Administrasjonssenteret i kommunen er Bergsjö. Dette ligg om lag 30 km nord for Hudiksvall.

I kommunen finn ein eit lågt kystland i aust, som lenger vestover stig opp i eit kupert og barskogkledd grunnfjellslandskap. I den austlege delen ligg det mange vatn. Dei fleste arbeidsplassane er innan servicenæringane, men ein finn også tre- og foredlingsindustri i kommunen.

Administrativ historikk[endre | endre wikiteksten]

Ved kommunereforma i 1952 vart kommunane Harmånger, Ilsbo og Jättendal slegne saman til storkommunen Harmånger, medan det ikkje vart gjort endringar i Bergsjö, Gnarp og Hassela. I 1974 vart alle desse slegne saman til ein ny kommune, med tettstaden Bergsjö som administrasjonssenter. Den nye kommunen fekk namnet Nordanstigs kommun etter «Nordanstigs kontrakt».

Kommunevåpenet[endre | endre wikiteksten]

Blasonering: Eit delt skjold med ein gåande helsinghest i svart på sølvbakgrunn øvst og eit fiskenett i sølv med seks fullstendige masker på blå bakgrunn nedst.[1]

Av dei seks sokna som inngår i Nordanstigs kommun hadde fem heraldiske våpen frå før. Sidan ingen av desse var namngjevarar til den nye kommunen valde ein i staden å lage eit heilt nytt våpen, og det vart utlyst ein konkurranse. Framlegget til kunstnaren Paul Persson vann. Hesten symboliserer på jord- og skogsbruk og nettet talet på sokn som er med i kommunen. Våpenet vart registrert i Patent- och registreringsverket i 1983.

Tettstader[endre | endre wikiteksten]

Det er åtte tettstader i Nordanstigs kommun.

Tettstadene i tabellen er ordna etter innbyggjartal per 31. desember 2005. Administrasjonssenteret er utheva.

Nr. Tettstad Folketal
1. Bergsjö 1 243
2. Gnarp 999
3. Harmånger 523
4. Strömsbruk 418
5. Ilsbo 399
6. Hassela 375
7. Stocka 365
8. Jättendal 277

Kjelder[endre | endre wikiteksten]

Fotnote[endre | endre wikiteksten]

  1. «Sköld delad av silver, vari en gående hälsingehäst i svart, och blått, vari ett av vågskuror bildat fisknät i silver med sex fullständiga maskor».