Tsjernihiv oblast

Tsjernihiv oblast
Чернігівська область, Tsjernihivska oblast
oblast
flagg våpen
Kallenamn: ukrainsk Чернігівщина (Tsjernihivsjtsjyna)
By	Tsjernihiv, Nizjyn, Prylukyj
Rajon	22
Byrajon	3
Byar	78
Landsbyar	1494
koordinatar	51°20′ N 32°4′ E
Hovudstad	Tsjernihiv
Areal	31 865 km²
Folketal	1 156 609 (2006)
Tettleik	36 / km²
Grunnlagd	15. oktober 1932
Guvernør	Volodymyr Homenko
ISO 3166-2 kode	UA-74-
Postnummer	14-17xxx
Retningsnummer	+380 46
Bilnummer	СВ
Språk	ukrainsk
Nettstad: www.chernigivstat.gov.ua www.rada.gov.ua

Tsjernihiv oblast (ukrainsk Чернігівська область) er ei politisk eining på provinsnivå (oblast) i det nordlege Ukraina. Hovudstaden i provinsen er byen Tsjernihiv.

Geografi

Kart over Tsjernihiv oblast

Provinsen har ei flatevidd på i kring 31 900 km². Han grensar i vest mot Kievdammen i elva Dnepr og mot Kiev oblast, mot Sumy oblast i aust, og Poltava oblast i sør. Tsjernhiv oblast si nordgrense dannar Ukrainas statsgrense mot høvesvis Kviterussland (Homiel voblast) i nordvest og Russland (Bryansk oblast) i nordaust.

Tsjernhiv oblast vert av elva Desna delt i ein nordleg part og ein sørleg part. Desna renn ut i Dnepr straks nord for Kiev sine bygrenser.

Demografi

Folketalet i Tsjernhiv oblast er på 1 156 609 (2006). Størstedelen av innbyggjarane er ukrainarar, mindre grupper av kviterussarar og russarar er konsentrert om dei nordlegaste distrikta.

Folketalet i provinsen har vore fallande i lang tid, og fallet er kraftigare enn i nokon annan ukrainsk provins. I 1959 budde 1 554 000 menneske i provinsen. Ingen annan provins i Ukraina er så tynt folkesett.

Økonomi

Tsjernihiv oblast sitt næringsliv dreiar seg mykje om utvinning av petroleum og naturgass, produksjon av maskinar, tilverking av tobakk og tekstilindustri. Ein stor tobakksfabrikk ligg i Pryluky. Byane Bakhmasj og Nizhyn er viktige knutepunkt for jarnbaner frå Russland og Kviterussland til Søraust-Europa. I Tsjernhiv by ligg maskinverkstader og elektronikkindustri.

Rajon

Rajonar (distrikt) i Tsjernihiv oblast:

Bakhmatskyj rajon Bobrovytskyj rajon Borznianskyj rajon Tsjernihiv Tsjernihivskyj rajon

Horodnianskyj rajon Itsjnianskyj rajon Koriukivskyj rajon Koropskyj rajon Kozeletskyj rajon

Kulykivskyj rajon Menskyj rajon Nizjyn Nizjynskyj rajon Nosivskyj rajon

Novhorod-Siversky rajon Pryluky Prylutskyj rajon Ripkynskyj rajon Semenivskyj rajon

Sjtsjorskyj rajon Sosnytskyj rajon Sribnianskyj rajon Talalajivskyj rajon Varvynskyj rajon

Kjelder

• Denne artikkelen bygger på «Chernihiv oblast» frå Wikipedia på engelsk, den 9. april 2010.