Øvsttun

Øvsttun
stad
Land	Noreg
Fylke	Hordaland
Kommune	Bergen
Postnummer	5223 NESTTUN
Gardnummer	44
Ferdselsårer	E39 Osvegen
Øvsttun 60.308969°N 5.363431°E / 60.308969; 5.363431
Wikimedia Commons: Øvsttun

Øvsttun er eit bustadområde og ein gard i Fana i Bergen. Garden ligg på sørsida av Midtunelva, søraust for Nesttun.

Namn

Garden var opphavleg det øvre tunet i storgarden Hjelmeland, og heitte først Ófratún eller Øvretun, medan Neðratún eller Nedretun var det andre. Då Midtun kom til som ein tredjepart vart namna endra til Øvsttun og Nesttun.

Historie

Garden var saman med nabogarden Nesttun opphavleg ein del av storgarden Hjalmulfsland (Hjelmeland), men vart alt i mellomalderen delt i sjølveigarbruk og ein halvpart som skal ha høyrt til Nonneseter kloster. I 1519 var det registrert tre brukarar på Øvsttun.

Frå 1500-talet til 1836 var klosterparten eigd av De Søefarendes Fattighus.

På 1900-talet vart delar av garden utskilt til kyrkje, skular og andre offentlege bygg, men her er framleis gardsdrift.

Geografi

Området ligg mellom Nesttun og Birkelandsvatnet. Han grensar til Nesttun i nordvest, Skjold i vest, Lilletveit i sør, Ulsmåg i aust, Nordrevoll i nordaust og Midtun i nord.

På området ligg Slåtthaug ungdomsskule og Slåtthaug videregående skole, samt Slåtthaug kunstisbane og Slåtthaug idrettsanlegg. Her ligg òg Øvsttun kirkegård på vel 31 000 m²

Bruk av namn

Fleire stader er kalla opp etter garden:

• Øvsttunbrekka
• Øvsttunlia
• Øvsttunvegen
• Øvsttunåsen
• Øvsttun skole

Kjelder

• Gunnar Hagen Hartvedt (2003). Bergen Byleksikon (4 utg.). Oslo: Kunnskapsforlaget. ISBN 82-573-1036-0. 
• Bergenskart Arkivert 2020-02-17 ved Wayback Machine.