Barnet

Barnet
High Street High Street
Plassering
Styresmakter
Land	Storbritannia
Konstituerande land	England
Grevskap	Stor-London
Distrikt	Barnet
Geografi
Koordinatar	51°39′N 0°12′W
Diverse annan informasjon
Postnummer	EN5
Telefon-retningsnummer	0 20
Commons har multimedium som gjeld: Barnet

Barnet, òg kjent som High Barnet eller Chipping Barnet, er eit område i bydelen Barnet i London. Det var tidlegare ein by, men har vorte innlemma i Lonon og blir rekna som ein forstad. Staden ligg omkring 17 km nordvest for Charing Cross.

Historie

I saksisk tid låg det ein stor skog kalla Southaw på staden, som høyrde til St. Albans abbedi. Namnet på busetjinga var den gong Bergnet, som tyder «lita høgd». Namnet High Barnet kjem frå plasseringa på denne høgda, og det er ein lokal tradisjon at «Barnet står på det høgaste punktet mellom London og York».

Staden er kjent for slaget ved Barnet i 1471, der yorkistane leia av Edvard IV drap Richard Neville, 16. jarl av Warwick og bror hans John Neville, 1. marki av Montagu.

Han er òg kjent for ein hestemarknad som går tilbake til 1588, då Elizabeth I gav eit charter til godsherren som tillét to marknader i året. På Cockney rhyming slang tyder barnet «hår», ein referanse til hestehår.

Byen var eit verdsleg sokn i Hertfordshire, og i 1894 vart han eit eige distrikt. Ved skipinga av Stor-London i 1965 vart han overført til distriktet Barnet.

Kommunikasjon

High Barnet undergrunnsstasjon betener Northern-linja.

Kjelder

• Denne artikkelen bygger på «Barnet (London)» frå Wikipedia på bokmål, den 19. juli 2011.